Խորհրդարանում լրագրողների հետ զրույցում ԲՀԿ ղեկավար Գագիկ Ծառուկյանը՝ պատասխանելով հարցին, թե ինչու բացահայտ չառաջադրեցին Վահագն Գևորգյանին, այլ գաղտնի աջակցեցին՝ ասել է.«Քաղաքապետն աշխատող է, իր գործն ապացուցած էր և կարիք չկար, որ ես քարոզարշավին մասնակցեի»:
«Բայց Ծառուկյանը մասնակցե՞լ ա քարոզարշավին: Որ ես մասնակցեի, պատկերացնո՞ւմ եք ինչ կլիներ»:Քաղաքապետը վայելում է իմ աջակցությունը, բայց դրա կարիքը չկար, որ ես գնայի աջակցեի նրան: Որ կարիքը լիներ, կանեի. առանց իմ անվան է հաղթել», -նշել է նա:
Դիտարկմանը՝ Կոտայքի մարզպետ Ռոմանոս Պետրոսյանն ասում է, թե հեղափոխությունն այդպես էլ Աբովյան չհասավ, Ծառուկյանը կոչ է արել մեջբերել վարչապետի հայտարարությունը: «Իսկ վարչապետի ասածն ինչի՞ չեք ասում, մարզպետինն եք ասում: Վարչապետն ասաց՝ հաղթել է հեղափոխությունը, հաղթել է աբովյանցին»:
Լրագրողները Ծառուկյանից հարցրեցին նար,ընտրությունից մեկ օր առաջ տեղի ունեցած դեպքի մասին: Հիշեցնենք,որ նախօրեին վառել էին «Քաղաքացիական պայմանագիր» կուսակցության քաղաքապետի թեկնածու Գրիգոր Գուլյանի նախընտրական շտաբի ղեկավարի մեքենան և տան մի հատվածը:
«Մենք շատ ուրախ կլինենք, որ դա բացահայտվի: Եթե չբացահայտվի, ուրեմն իրավապահ մարմիններն իրենց տեղում չեն: Մեղավորները պետք է բացահայտվեն, այդպիսի քայլի գնացողները «մուտիլովչիկիներ» են, որ երբ 7 երեխա է քնած, նման բան են արել: Արհեստական սարքել են: Դա շինծու սարքած գործ էր »,-ասաց Ծառուկյանը:
Բավ է պառակտվել