Հայաստանի նախագահ Արմեն Սարգսյանը չի ստորագրել Արտակ Դավթյանին ՀՀ ԳՇ պետ նշանակելու Փաշինկանի միջնորդությունը։
«Հանրապետության նախագահն իր առարկություններով վերադարձրել է Արտակ Դավթյանին ՀՀ ԶՈւ գլխավոր շտաբի պետ նշանակելու մասին վարչապետի առաջարկությունն»,- ասվում է նախագահի մամլո քարտուղարության հայտարարությունում։
Նախօրեին Հայաստանի պաշտպանության նախարար Վաղարշակ Հարությունյանը գեներալ-լեյտենանտ Ստեփան Գալստյանին նշանակել է ԶՈւ ԳՇ պետի ժամանակավոր պաշտոնակատար։
Մարտի 10-ի առավոտյան Փաշինյանը հայտնել է, որ «ՀՀ ԶՈՒ գլխավոր շտաբի պետ Օնիկ Գասպարյանն իրավունքի ուժով համարվում է ազատված զբաղեցրած պաշտոնից»։ Ավելի ուշ հայտնի դարձավ, որ Հայաստանի նախագահը դիմել է ՍԴ խնդրանքով որոշել «Զինվորական ծառայության և զինծառայողների կարգավիճակի մասին» օրենքի Սահմանադրության հետ համապատասխանության հարցը, որի հիման վրա Փաշինյանն ազատել է պաշտոնից ԶՈւ ԳՇ պետին։
Չնայած քաղաքական գործիչների, մտավորականության ներկայացուցիչների, փաստաբանների, հասարակական գերծիչների բազմաթիվ կոչերին, ՀՀ նախագահ Արմեն Սարգսյանը օրենքով սահմանված ժամկետում (մինչև 2021թ․ մարտի 9-ը ներառյալ) չդիմեց Սահմանադրական դատարան խնդրանքով ճանաչել Օնիկ Գասպարյանին ՀՀ ԶՈւ ԳՇ պետի պաշտոնից ազատելու Նիկոլ Փաշինյանի հրամանն անհամապատասխան երկրի Հիմնական օրենքին։ Նախագահի աշխատակազմից հայտնել են, որ վերջնաժամկետ սահմանված չի եղել։