Հայաստանի նախագահ Արմեն Սարգսյանը երեքշաբթի հանդիպել է վարչապետ Նիկոլ Փաշինյանի հետ, տեղեկացնում է նախագահի մամլո ծառայությունը։
Նրանք քննարկել են իրավիճակը երկրում, ներքաղաքական մթնոլորտի բարելավմանն ուղղված քայլերը, անդրադարձել արտահերթ խորհրդարանական ընտրությունների անցկացմանը։
Կարևորվել է ընտրությունների ազատ և արդար կազմակերպմանն ուղղված անհրաժեշտ քայլերի իրականացումը, այդ թվում՝ Սահմանադրության և օրենսդրական դաշտի կատարելագործման միջոցով: