Բավ է պառակտվել
02-12-2020 13:17

Ռուսաստանի նախագահը ՀԱՊԿ-ի առցանց գագաթնաժողովում ՝ Լեռնային արաբաղում տիրող իրավիճակի մասին

«Ռուսաստանի, Հայաստանի, Ադրբեջանի եռակողմ հայտարարությունը հետևողականորեն իրականացվում է: Տեղակայված են ռուս խաղաղապահներ: Այժմ կարևոր է համատեղ օգնություն ցուցաբերել տուժածներին, աջակցել մարդասիրական խնդիրների լուծման հարցում: Ռուսաստանի Դաշնությունը շահագրգռված է մարդասիրական աշխատանքի իրականացման գործում ՀԱՊԿ-ի և ԱՊՀ-ի բոլոր գործընկերների ներգրավմամբ»:

նիկոլ փաշինյանի կողմից՝ «Ադրբեջանը՝ Թուրքիայի և ահաբեկչական վարձկանների օգնությամբ պատերազմ սանձազերծեց հայ ժողովրդի դեմ» նախադասությունն արտաբերելիս փչացավ ՀՀ վարչապետի խոսափողը:

«Այսօր Լեռնային Ղարաբաղում և Լաչինի միջանցքում շփման գծի երկայնքով տեղակայված ռուսական խաղաղապահ զորախումբը այս տարածաշրջանում խաղաղության և անվտանգության պահպանման երաշխավորն է: Եվ այս առումով ես կցանկանայի նշել Ռուսաստանի նախագահ Վլադիմիր Պուտինի բացառիկ դերը Լեռնային Ղարաբաղում արյունահեղությունը դադարեցնելու գործում», - ասաց փաշինյանը:

«Նախ, դա ռազմագերիների և պատանդների, այլ գերեվարվածների, ինչպես նաև զոհվածների մարմինների փոխանակման և անհայտ կորածների ճակատագիրը պարզելու խնդիրն է: Սրանք հրատապ հարցեր են: Հայկական կողմը պատրաստ է ակտիվացնել իր գործողություններն՝ այս գործընթացն արագացնելու և դրա արդյունավետությունը բարձրացնելու համար», - շեշտեց փաշինյանը:

Երկրորդ խնդիրն է ստեղծել պայմաններ արցախցիների իրենց տներ վերադառնալու համար, վերականգնել բնականոն կյանքը Լեռնային Ղարաբաղում: «Մարդիկ պետք է վստահ լինեն, որ իրենց վտանգ չի սպառնում և կարող են շարունակել ապրել իրենց հողի վրա», - ասաց ՀՀ կառավարության ղեկավարը:

Երրորդ հրատապ խնդիրն, ըստ փաշինյանի, տրանսպորտային հաղորդակցության անվտանգ գործունեության ապահովումն է, ցանկացած սադրանքների բացառումը և նորմալ պայմանների հաստատումը Արցախի ժողովրդի կյանքի համար անհրաժեշտ ենթակառուցվածքների գործունեության համար:

Ռուսաստանի նախագահը կարծում է, որ Հայաստանի ղեկավարությունը և անձամբ վարչապետը ցուցաբերել է անձնական խիզախություն և լուրջ պատասխանատվություն է ստանձնել Ղարաբաղի վերաբերյալ որոշումներ կայացնելիս:

Պուտինի խոսքով՝ Հայաստանի ղեկավարությունը և անձամբ կառավարության նախագահը ստիպված էին շատ դժվար, բայց Հայաստանի ժողովրդի համար անհրաժեշտ որոշում կայացնել․ դրանք ցավոտ էին, բայց միևնույն ժամանակ անհրաժեշտ:

«Մեր խնդիրն է այժմ աջակցել ինչպես վարչապետին, այնպես էլ նրա թիմին ՝ խաղաղ կյանք հաստատելու, բոլոր որոշումներն իրականացնելու և կյանքի դժվարին իրավիճակում հայտնված մարդկանց օգնելու համար»:

ՀԱՊԿ-ում առանց ՀՀ համաձայնության ցանկացած մեկնաբանություն կմնա միայն որպես այդպիսին. Աննա Նաղդալյան
Հայաստանի ղեկավարությունը դաշնակցային պարտավորությունների կատարման վերաբերյալ հարցեր չունի Ռուսաստանի հետ. Վլադիմիր Պուտին
Ո՞վ դիմավորեց ՌԴ նախագահ Պուտին Երևանում (Տեսանյութ)
ՌԴ-ն հույս ունի, որ ՀՀ և Ադրբեջանի սահմանին իրավիճակը կկարգավորվի հնարավորինս արագ. Պեսկով
«Ադրբեջանը չի լինելու ՀԱՊԿ-ում գործընկեր կամ դիտորդ, Հայաստանը չի ապահովի կոնսենսուս»․ Ռուբեն Ռուբինյան