ԱՄՆ նախագահ Ջո Բայդենը չորեքշաբթի ասել է, որ Ռուսաստանի ներխուժումն Ուկրաինա «աղետ կլինի» Մոսկվայի համար։
«Եթե նրանք [Ռուսաստանի իշխանությունները] անեն այն, ինչի ընդունակ են՝ սահմանին կենտրոնացված ուժերով, դա աղետ կլինի Ռուսաստանի համար»,- ասել է նա՝ ելույթ ունենալով Սպիտակ տանը կայացած մամլո ասուլիսում, փոխանցում է ՏԱՍՍ-ը։
Բայդենը հավելել է, որ ԱՄՆ գործընկերներն ու դաշնակիցները «պատրաստ են <...> լուրջ վնաս հասցնել ռուսական տնտեսությանը»։
ՆԱՏՕ-ի միասնության մասին
Ոչ մի հիմք չկա պնդելու, որ ՆԱՏՕ-ի անդամները միասնական չեն լինի Ռուսաստանի Դաշնության դեմ պատասխան գործողությունների հարցում ռուս-ուկրաինական սահմանին ստեղծված իրավիճակի ֆոնին, ասել է ԱՄՆ նախագահը։
«Մենք շատ անկեղծ քննարկումներ ունեցանք Վլադիմիր Պուտինի հետ: Գաղափարը, որ ՆԱՏՕ-ն միասնական չի լինի: Չգիտեմ: Ինչո՞ւ: Ես խոսեցի ՆԱՏՕ-ի բոլոր գլխավոր առաջնորդների հետ, մենք ՆԱՏՕ-Ռուսաստան գագաթնաժողով ունեցանք»,- ասել է նա: «Կարծում եմ՝ մենք կտեսնենք, որ Ռուսաստանը պատասխանատվության կենթարկվի, եթե ներխուժի [Ուկրաինա]», - ասել է Բայդենը։
Նա հավելել է, որ եթե ռուսական զորքերը մտնեն Ուկրաինա, դա լուրջ հետևանքներ կունենա Մոսկվայի համար։
Ռուսական բանկերի մասին
Ռուսական բանկերը չեն կարողանա դոլարով գործարքներ կատարել Ուկրաինա ռուսական ներխուժման դեպքում, ասել է Բայդենը։
Ամերիկացի առաջնորդի կարծիքով՝ Ուկրաինա ներխուժելու դեպքում Ռուսաստանին սպասվում են «ծանր տնտեսական հետևանքներ»։ «Եթե նրանք գնան դրան, եթե նրանք ներխուժեն, նրանք կվճարեն դրա համար: Նրանց բանկերը չեն կարողանա գործարքներ կատարել դոլարով», - ասել է Բայդենը:
Արևմուտքի հետ Ռուսաստանի պատերազմի մասին
Բայդենը կարծում է, որ Ռուսաստանի իշխանությունները չեն ցանկանում լայնամասշտաբ պատերազմ Արևմուտքի հետ։
Նրան հարցրել են, նախկինի պես համաձա՞յն է Ժնևի գագաթնաժողովից հետո արած իր այն հայտարարության հետ, որ Ռուսաստանի առաջնորդ Վլադիմիր Պուտինը չի ձգտում նոր սառը պատերազմի։ «Պատասխանն է՝ ես կարծում եմ, որ նա դեռևս չի ցանկանում լայնամասշտաբ պատերազմ, առաջինը: Երկրորդ՝ կարծում եմ, արդյո՞ք, որ նա որքան կարող է լրջորեն կփորձի Արևմուտքը, կփորձի ԱՄՆ-ն և ՆԱՏՕ-ն: Այո, կարծում եմ, որ «որ այդպես էլ կլինի, բայց կարծում եմ, որ նա դրա համար լուրջ և հսկայական գին կվճարի, <...> և կարծում եմ, որ նա կզղջա, որ արեց դա»,- ասել է ամերիկացի առաջնորդը։
«Կարծում եմ, որ նա գործ ունի նրա, ինչն, իր կարծիքով, ամենաողբերգական բանն է, որ տեղի ունեցավ Մայր Ռուսաստանի հետ. Բեռլինի պատի անկումը, կայսրությունը կորսվեց, <...> Խորհրդային Միությունը պառակտվեց», - կարծում է Բայդենը: Բայց մտածեք, թե ի՞նչ ունի նա. նա ունի ութ ժամային գոտի (11 ժամային գոտի), այրվող տունդրա, որն այլևս բնական ճանապարհով չի սառչի, մի իրավիճակ, երբ նա ունի շատ նավթ և գազ, բայց փորձում է գտնել իր տեղն աշխարհում Չինաստանի և Արևմուտքի միջև»։
Բայդենը խոսել է նաև Պուտինի հետ իր վերջին զրույցի մասին։ «Երկու հարց, որոնք նա ինձ ասաց, որ նա երաշխիքներ էր ուզում. առաջինն այն է, որ Ուկրաինան երբեք ՆԱՏՕ-ի մաս չի կազմի, երկրորդն այն է, որ ՆԱՏՕ-ն Ուկրաինայում ռազմավարական զենք չի տեղակայի», - ասել է Սպիտակ տան տերը: «Մենք կարող ենք ինչ-որ բան անել երկրորդ մասի հետ կապված»:
«Ինչ վերաբերում է առաջին մասին, ապա մենք ունենք մի շարք համաձայնագրեր միջազգային մակարդակով և Եվրոպայում, որոնք հուշում են, որ դուք կարող եք ընտրել, թե ում հետ եք ցանկանում լինել»,- ասել է նախագահը։
Ուկրաինայի՝ ՆԱՏՕ-ին անդամակցելու վերաբերյալ
Մոտ ապագայում Ուկրաինայի՝ ՆԱՏՕ-ին անդամակցելու հավանականությունը ցածր է, քանի որ Կիևը չի բավարարել դաշինքին միանալու համար անհրաժեշտ բոլոր պահանջներն, ասել է Բայդենը։
«Հավանականությունը, որ Ուկրաինան մոտ ապագայում կմիանա ՆԱՏՕ-ին, այնքան էլ մեծ չէ՝ հաշվի առնելով, որ նրանք շատ ավելի շատ անելիքներ ունեն ժողովրդավարության, ինչպես նաև մի շարք ասպեկտների առումով, ինչպես նաև հաշվի առնելով, թե արդյոք հիմնական դաշնակիցներն Արևմուտքում կողմ են Ուկրաինային հենց հիմա ընդունելուն»,- ասել է նա։
Այդ կապակցությամբ Բայդենը կարծիք է հայտնել, որ ԱՄՆ-ն ու Ռուսաստանը անվտանգության երաշխիքների վերաբերյալ Մոսկվայի առաջարկների համատեքստում քննարկման տեղ ունեն։ «Այնպես որ, աշխատելու տեղ կա, եթե նա [Ռուսաստանի նախագահ Վլադիմիր Պուտինը] ցանկանում է դա»,- ասել է ամերիկացի առաջնորդը։
Ռուսաստանի գործողությունների մասին
ԱՄՆ նախագահը կարծիք է հայտնել, որ Ռուսաստանը «գործողություններ կձեռնարկի» Ուկրաինա ներխուժելու ուղղությամբ։
«Կարծում եմ, որ նա (Ռուսաստանի նախագահ Վլադիմիր Պուտինը) վստահ չէ, նրանում, թե ինչ կանի: Կարծում եմ, որ նա առաջ կգնա: Նա պետք է ինչ-որ բան անի», - պնդել է Բայդենը՝ պատասխանելով հարցին, թե ինչ սպասելիքներ ունի Ուկրաինայի շուրջ ստեղծված իրավիճակից:
Ուկրաինայում ռազմավարական զենք չտեղակայելու մասին
Բայդենը թույլ է տալիս Ուկրաինայում ռազմավարական զենք չտեղակայելու հարցում Ռուսաստանի Դաշնության հետ որևէ պայմանավորվածություն ձեռք բերելու հնարավորությունը։
«Նա [Ռուսաստանի նախագահ Վլադիմիր Պուտինն] ինձ ասաց, որ երկու բան՝ երաշխիք է ուզում. մեկը՝ Ուկրաինան երբեք չի միանա ՆԱՏՕ-ին, երկրորդը՝ Ուկրաինայում ռազմավարական զենք չի տեղակայվի։ Երկրորդ տարրի վերաբերյալ մենք կարող ենք ինչ-որ բանի գալ»,- ասել է Բայդենը՝ պարզաբանելով, որ այս դեպքում Մոսկվայից նույնպես պատասխան քայլեր կակնկալվեն «Ռուսաստանի եվրոպական մասում»։
«Առաջին տարրի վերաբերյալ մենք ունենք մի շարք համաձայնագրեր միջազգային մակարդակով և Եվրոպայում, որոնք հուշում են, որ դուք կարող եք ընտրել, թե ում հետ եք ցանկանում լինել»,- հավելել է ամերիկացի առաջնորդը։
Հնարավոր պատժամիջոցների մասին
ԱՄՆ-ի և դաշնակիցների հնարավոր պատժամիջոցների ծավալը կախված կլինի Ուկրաինայի դեմ Ռուսաստանի կոնկրետ գործողություններից, ասել է Բայդենը։ Միևնույն ժամանակ, ամերիկացի առաջնորդը նշել է, որ դոլարային գործարքների հետ կապված «լուրջ պատժամիջոցները» կարող են բացասաբար ազդել ԱՄՆ և եվրոպական տնտեսությունների վրա։
«Եթե նրանք շարունակեն ջանքեր գործադրել կիբերտարածությունում, մենք կարող ենք նույն կերպ պատասխանել: <...> Նրանք ունեն ԱԴԾ-ից մարդիկ Ուկրաինայում, ովքեր փորձում են խաթարել համերաշխությունը Ուկրաինայի ներսում Ռուսաստանի հարցում և փորձում են առաջ մղել ՌԴ շահերը: Շատ կարևոր է, որ բոլորը ՆԱՏՕ-ում նույն մոտեցումն ունենան»,- ասել է Բայդենը։
«ՆԱՏՕ-ի ներսում տարաձայնություններ կան այն մասին, թե ինչ են պատրաստ անել երկրները՝ կախված նրանից, թե ինչ կլինի: <...> Դոլարային գործարքների հետ կապված պատժամիջոցների լուրջ կիրառումը <...> բացասական ազդեցություն կունենա Միացյալ Նահանգների, ինչպես նաև Եվրոպայի տնտեսությունների վրա և կործանարար ազդեցություն՝ Ռուսաստանի վրա»,- հավելել է ԱՄՆ նախագահը։ Նա նշել է, որ ակնկալում է ապահովել ՆԱՏՕ-ում կարծիքների միասնությունը Ռուսաստանի Դաշնության դեմ հնարավոր միջոցների հարցում։
Միացյալ Նահանգների նախագահը կարծում է, որ անվտանգության հարցերով ռուս-ամերիկյան երեք հանդիպումները ոչնչի չեն հանգեցրել։
«Մինչ այժմ մեր ունեցած երեք հանդիպումները ոչինչ չեն տվել»,- ասել է նա։
Ուկրաինայի վերաբերյալ վերջնական որոշման մասին
ԱՄՆ նախագահը ենթադրել է, որ Ռուսաստանի առաջնորդ Վլադիմիր Պուտինը դեռ վերջնական որոշում չի կայացրել Ուկրաինայի շուրջ իրավիճակի հետագա զարգացման հետ կապված։
«Ես վստահ եմ, որ դա բացարձակապես և լիովին կլինի Պուտինի որոշումը: Ուրիշ ոչ ոք չի կայացնի այս որոշումը», - պնդել է Բայդենը չորեքշաբթի օրը Սպիտակ տանը կայացած մամուլի ասուլիսում: «Նա կկայացնի այս որոշումը»: ԱՄՆ ղեկավարի խոսքով՝ ՌԴ նախագահը ներկայումս «կշռադատում է, թե ինչ հետևանքներ կարող է սպասել Ռուսաստանին կարճաժամկետ և երկարաժամկետ հեռանկարում»։ «Չեմ կարծում, որ նա որոշել է», - ենթադրել է Բայդենը:
ԱՄՆ նախագահը նաև կարծիք է հայտնել, որ Ռուսաստանը «գործողություններ կձեռնարկի» Ուկրաինա ներխուժման ուղղությամբ։ «Կարծում եմ, որ նա (Պուտինը) վստահ չէ, թե ինչ կանի: Կարծում եմ՝ առաջ կգնա: Նա պետք է ինչ-որ բան անի»,- ասել է Բայդենը՝ պատասխանելով հարցին, թե ինչ է ակնկալում Ուկրաինայի շուրջ ստեղծված իրավիճակից։
Ուկրաինա Ռուսաստանի ներխուժման հետևանքների մասին
Բայդենը կարծում է, որ, ըստ Վաշինգտոնի, Ռուսաստանի հնարավոր ներխուժումն Ուկրաինա կհանգեցնի աշխարհի համար ամենալուրջ հետևանքների Երկրորդ համաշխարհային պատերազմից ի վեր։
«Իհարկե, մտահոգվելու առիթ կա»,- կարծում է նա։ «Եթե նա ներխուժի Ուկրաինա… Դա տեղի չի ունեցել Երկրորդ համաշխարհային պատերազմից ի վեր,- ասել է Բայդենը՝ խոսելով Ռուսաստանի պետության ղեկավար Վլադիմիր Պուտինի մասին: «Դա կունենա ամենալուրջ հետևանքները, որոնք եղել են աշխարհում պատերազմի և խաղաղության առումով Երկրորդ համաշխարհային պատերազմից հետո»: ԱՄՆ նախագահի խոսքով՝ իրադարձությունների այս զարգացման դեպքում Ռուսաստանը «ահավոր մեծ գին կվճարի»։
ԱՄՆ նախագահը նաև նշել է, որ իրեն անհանգստացնում է այն հավանականությունը, որ Ռուսաստանի «ներխուժումն» Ուկրաինա կարող է հանգեցնել Ռուսաստանի և ՆԱՏՕ-ի երկրների առճակատման։
Քաղաքական գործչին հարցրել են՝ նա կարծո՞ւմ է, որ իրավիճակի սրումը կարող է հակամարտության մեջ «ներքաշել» Ուկրաինային սահմանակից ՆԱՏՕ-ի երկրներին և հանգեցնել «ցանկացած իրական առճակատման» Մոսկվայի և դաշինքի միջև։ «Ես շատ մտահոգված եմ»,- ի պատասխան ասել է ԱՄՆ առաջնորդը։
«Միակ բանը, որը կարող է ավելի վատ լինել կանխամտածված պատերազմից չկանխամտածված պատերազմն է: Եվ ես մըահոգված եմ, որ այն կարող է դուրս գալ վերահսկողությունից: <...> Հուսով եմ, որ [Ռուսաստանի նախագահ] Վլադիմիր Պուտինը հասկանում է, որ եթե ոչ լայնածավալ միջուկային պատերազմ՝ ապա նրա դիրքերը լավագույնը չեն աշխարհում տիրելու համար»,- ասել է Բայդենը։
Պուտինի հետ նոր գագաթնաժողովի մասին
ԱՄՆ նախագահն ասել է, որ հնարավոր է համարում Ռուսաստանի առաջնորդ Վլադիմիր Պուտինի հետ նոր գագաթնաժողովի անցկացումը։
Մամլո ասուլիսում նրան հարցրել են, դիտարկում է արդյո՞ք Ռուսաստանի նախագահի հետ նոր հանդիպում անցկացնելու հնարավորությունը՝ փորձելու ելք գտնել Ուկրաինայի շուրջ ստեղծված իրավիճակից։ «Այո»,- պատասխանել է նա։
Ըստ Բայդենի՝ Պուտինի հետ անցած շփումներում նրանք քննարկել են անհրաժեշտության դեպքում ևս մեկ հանդիպում անցկացնելու հնարավորությունը։ Ամերիկայի նախագահն ընդգծել է, որ գագաթնաժողովը քննարկվել է դեռևս Ուկրաինայի շուրջ իրավիճակի սրումից առաջ։ «Այնպես որ, ես դեռևս կարծում եմ, որ հավանականությունը կա», - ընդգծել է Բայդենը։