ՌԴ ԱԳՆ պաշտոնական ներկայացուցիչ Մարիա Զախարովան հայտարարել է Լաչինի միջանցքի ապաշրջափակման ուղղությամբ ջանքերը շարունակելու մասին։
«Ռուսաստանի պաշտպանության նախարարությունը և ռուսական խաղաղապահ կոնտինգենտի հրամանատարությունը, ՌԴ ԱԳՆ-ն մշտական կապի մեջ են բոլոր շահագրգիռ կողմերի հետ։ Շարունակվում են ակտիվ ջանքեր գործադրվել իրավիճակը կարգավորելու համար»,- ասել է Զախարովան ճեպազրույցում։
Նա հայտարարել է, որ «Ի տարբերություն արտաքին խաղացողների մեծամասնության, որոնք սահմանափակվում են դեէսկալացիայի կոչերի հայտարարություններով, ռուսական կողմը տեղում իրական լուծումներ է փնտրում եւ մարդասիրական օգնություն է ցուցաբերում»։
«Կոչ ենք անում ամբողջությամբ ապաշրջափակել Լաչինի միջանցքը՝ 2020 թվականի նոյեմբերի 9-ի եռակողմ հայտարարության համաձայն։ Մենք կոչ ենք անում Երեւանին եւ Բաքվին քաղաքական կամք դրսեւորել՝ կարճ ժամանակում տարաձայնությունները կարգավորելու համար»,- ասել է Զախարովան։