հաղթելուենք
08-10-2020 23:36

Խորհրդակցություններ են ընթանում ՌԴ, ՀՀ և Ադրբեջանի ԱԳ նախարարների հանդիպման ժամկետի շուրջ

Խորհրդակցություններ են ընթանում Մոսկվայում Ռուսաստանի Դաշնության, Ադրբեջանի և Հայաստանի արտգործնախարարների հանդիպման անցկացման ժամկետի շուրջ: Այս մասին հոկտեմբերի 8-ին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Նա հիշեցրել է, որ հոկտեմբերի 11-13-ը Հայաստանի արտգործնախարար Զոհրաբ Մնացականյանը կայցելի Մոսկվա:

«Այցի ընթացքում բանակցություններ կընթանան Սերգեյ Լավրովի հետ: Քննարկման առանցքում Լեռնային Ղարաբաղի հակամարտության գոտում ծայրաստիճան ծանր իրավիճակն է: Ռուսաստանը թե՛ ազգային կարողության, թե՛ ԵԱՀԿ Մինսկի խմբի շրջանակներում հետևողականորեն գործադրում է բոլոր հնարավոր ջանքերը՝ անհապաղ հրադադարի հասնելու և բանակցային գործընթացի վերսկսման համար պայմաններ ստեղծելու համար», - ասել է Զախարովան:

 

 

Արմինե Գևորգյան

Հայաստանի և Ադրբեջանի ԱԳ նախարարների հանդիպումը կշարունակվի հունվարի 30-ին
ԵԱՀԿ ՄԽ համանախագահները կարևորում են ստեղծագործ մոտեցումը ղարաբաղյան հակամարտության կարգավորման հարցում (տեսանյութ)
Ժնևում շարունակվում է Հայաստանի և Ադրբեջանի ԱԳ նախարարների հանդիպումը
Հայաստանի և Ադրբեջանի արտգործնախարարների հանդիպումը կկայանա շուտով․ Զոհրաբ Մնացականյան
ՌԴ, ՀՀ և Ադրբեջանի ԱԳ նախարարների հանդիպումը Մոսկվայում կմեկնարկի ժամը 16:00-ին. Պեսկով