Ռուսաստանի Դաշնության նախագահ Վլադիմիր Պուտինն ու նրա թուրք գործընկեր Ռեջեփ Թայիփ Էրդողանն հեռախոսազրույցի ընթացքում քննարկել են տարածաշրջանին վերաբերող արդի հարցերի լայն շրջանակ, հայտնում է Կրեմլի պաշտոնական կայքը։
«Անդրադարձ է կատարվել նաև Լեռնային Ղարաբաղի կարգավորման հիմնախնդիրներին, այդ թվում` հակամարտության գոտում կրակի և բոլոր ռազմական գործողությունների դադարեցման վերահսկողության ռուս-թուրքական կենտրոնի գործունեության շրջանակներում », - ասվում է հաղորդագրության մեջ:
Վերահսկողության կենտրոն
Լեռնային Ղարաբաղի հակամարտության գոտում կրակի և բոլոր ռազմական գործողությունների դադարեցման վերահսկողության ռուս-թուրքական համատեղ կենտրոնը տեղակայված է Ադրբեջանի Աղդամի շրջանում և սկսել է հործել 2021թ․ հունվարի 30-ից՝ 2020 թվականի նոյեմբերի 11-ին Ռուսաստանի Դաշնության և Թուրքիայի Հանրապետության պաշտպանական գերատեսչությունների ղեկավարների կողմից ստորագրված հուշագրին համապատասխան:
Համատեղ կենտրոնի շտաբը ձևավորվել է պարիտետային հիմքի վրա հրամանատարական կետի տեսքով, այնտեղ ներկայացված են յուրաքանչյուր կողմի հավասար թվով ներկայացուցիչներ `յուրաքանչյուր ազգային կառույցի ղեկավարով: