Իր գործառույթները կատարելուց հետո խաղարապահ զորախումբը դուրս կբերվի Ղազախստանից, ասել է ՌԴ նախագահ Վլադիմիր Պուտինը ՀԱՊԿ շրջանակներում Ղազախստանում տիրող իրավիճակի քննարկումների ժամանակ։
Այսօր ՀԱՊԿ երկրների ղեկավարները արտահերթ նիստ են անցկացնում տեսակոնֆերանսի ձևաչափով՝ քննարկելու իրադարձությունների զարգացումը Ղազախստանում, որտեղ մի քանի օր է, ինչ հակաահաբեկչական գործողություններ են իրականացվում և տեղակայվել են ՀԱՊԿ Հավաքական խաղաղապահ ուժերը։ Կազմակերպության Հավաքական անվտանգության խորհրդի արտակարգ նիստ անցկացնելու նախաձեռնությամբ հանդես է եկել Ղազախստանի նախագահ Կասիմ-Ժոմարտ Տոկաևը։
«Եղբայրական ղազախ ժողովրդին օգնություն ցուցաբերելու համատեղ քայլերը հնարավորինս արագ համաձայնեցվեցին, և ՀԱՊԿ մեխանիզմն իրոք գործի դրվեց: ՀԱՊԿ հավաքական խաղաղապահ ուժերի զորախումբը ուղարկվել է Ղազախստան, և, ես ուզում եմ ընդգծել դա, սահմանափակ ժամկետով՝ այնքան ժամանակ, որքան Ղազախստանի ղեկավարը հնարավոր կհամարի դրա կիրառման համար»,-ասել է նա։
Պուտինը նշել է, որ խաղաղապահ զորախմբի ամբողջական տեղակայումը հնարավոր է եղել իրականացնել բավականին կարճ ժամանակում։
«Մեր համատեղ գործողությունները դիտարկում ենք որպես չափազանց ժամանակին օրինական ակտ”,- նշել է նա։
Պուտինի խոսքով, Ղազախստանի պետականությանը սպառնացող վտանգն առաջացել է ոչ թե ինքնաբուխ բողոքի գործողությունների, այլ՝ իրավիճակից ներքին արտաքին ապակառուցողական ուժերի օգտվելու պատճառով։
«Այդ մարդիկ, ովքեր քարոզում էին գազի շուկայում իրավիճակը, մեկ ժողովուրդ են, և նրանք նույն նպատակներն ունեն, իսկ նրանք, ովքեր զենք են վերցրել և հարձակվել պետության վրա, բոլորովին այլ մարդիկ են, և նրանք այլ նպատակներ ունեն»,- ասաց նա։
Նա ընդգծել է, որ «Ղազախստանի իրադարձությունները մեր պետությունների ներքին գործերին արտաքին միջամտության առաջին և վերջին փորձը չեն»:
«ՀԱՊԿ-ի ձեռնարկած միջոցառումները հստակ ցույց տվեցին, որ մենք թույլ չենք տա ցնցել իրավիճակը մեր տանը և թույլ չենք տա իրականացնել այսպես կոչված գունավոր հեղափոխությունների սցենարն»,- ասել է նա։
Հունվարի 5-ին Տոկաևը դիմեց ՀԱՊԿ երկրների ղեկավարներին՝ խնդրելով օգնություն ցուցաբերել հանրապետությանը՝ հաշվի առնելով նրա ազգային անվտանգությանը և ինքնիշխանությանը սպառնացող վտանգը։ Հունվարի 6-ին ՀԱՊԿ-ում նախագահող Հայաստանի վարչապետ Նիկոլ Փաշինյանը հայտարարեց կազմակերպության Հավաքական խաղաղապահ ուժերը Ղազախստան ուղարկելու որոշման մասին։ Հունվարի 9-ին նրանք ավարտեցին իրենց տեղակայումը Ղազախստանում։ Խաղաղապահները պահպանում են կարևոր ռազմական, պետական և սոցիալական նշանակության օբյեկտները Ալմաթայում և քաղաքի հարակից տարածքներում: