ՌԴ նախագահ Վլադիմիր Պուտինը հանդիպում է ունեցել Անվտանգության խորհրդի մշտական անդամների հետ, տեղեկանում ենք Կրեմլի կայքից։
«Այսօր մենք կխոսենք կարևոր ուղղություններից մեկի՝ ամենամոտ հարևանների և ԵվրԱզԷՍ-ի դաշնակիցների հետ հարաբերությունների զարգացման մասին», - հանդիպման սկզբում ասել է պետության ղեկավարը։
ԵԱՏՄ-ի կազմում են Ռուսաստանը, Հայաստանը, Բելառուսը, Ղազախստանը և Ղրղզստանը։
Հանդիպմանը մասնակցել են վարչապետ Միխայիլ Միշուստինը, արտգործնախարար Սերգեյ Լավրովը, Դաշնության խորհրդի և Պետդումայի նախագահներ Վալենտինա Մատվիենկոն և Վյաչեսլավ Վոլոդինը, Անվտանգության խորհրդի քարտուղար Նիկոլայ Պատրուշևը, պաշտոնատար այլ անձինք։
Անվտանգության խորհրդի նախորդ նիստը տեղի է ունեցել մեկ շաբաթ առաջ, որտեղ քննարկվել են «իրավապահ մարմինների իրավասության տակ գտնվող օբյեկտների հակաահաբեկչական պաշտպանությանն ուղղված միջոցառումները»։
Պուտինը մասնակցել է Ռուսաստանի Անվտանգության խորհրդի նիստին
