Վլադիմիր Պուտինը հրամանագիր է ստորագրել Ռուսաստանի չորս նոր շրջաններում՝ ԴԺՀ, ԼԺՀ, Խերսոնի և Զապորոժիեի մարզերում ռազմական դրություն մտցնելու մասին։ Այդ մասին նա հայտարարել է Անվտանգության խորհրդի նիստում։ Նախագահը նաև հանձնարարել է կառավարությանը ստեղծել անվտանգության բարձրացմանն ուղղված աշխատանքները համակարգող հատուկ խորհուրդ, որը կգլխավորի վարչապետ Միխայիլ Միշուստինը։
Հրամանագրի տեքստը.
Հաշվի առնելով, որ Ռուսաստանի Դաշնության տարածքային ամբողջականության դեմ զինված ուժ է կիրառվում ՝ համաձայն Ռուսաստանի Դաշնության Սահմանադրության 87-րդ հոդվածի 2-րդ մասի և 2002 թվականի հունվարի 30-ի թիվ 1-ԴՍՕ «Ռազմական դրության մասին» Դաշնային սահմանադրական օրենքի 3-րդ և 4-րդ հոդվածների որոշում եմ.
1. Դոնեցկի Ժողովրդական Հանրապետության, Լուգանսկի Ժողովրդական Հանրապետության, Զապորոժյեի և Խերսոնի շրջանների տարածքներում 2022 թվականի հոկտեմբերի 20-ից մտել ռազմական դրություն։
2. Ռուսաստանի Դաշնության կառավարությանը` համաձայն Ռուսաստանի Դաշնության պաշտպանության նախարարության, Ռուսաստանի Դաշնության ներքին գործերի նախարարության, ՌԴ քաղաքացիական պաշտպանության, արտակարգ իրավիճակների և տարրերային աղետների հետևանքների վերացման նախարարության, Ռուսաստանի Դաշնության Անվտանգության դաշնային ծառայության, Ռուսաստանի Դաշնության Ազգային գվարդիայի զորքերի դաշնային ծառայության և Ռուսաստանի Դաշնության Նախագահի հատուկ ծրագրերի գլխավոր տնօրինության առաջարկությունների 3 օրվա ընթացքում առաջարկներ ներկայացնել միջոցառումների վերաբերյալ, որոնք կկիրառվեն ռազմական դրություն մտցված տարածքներում։
3. Անհրաժեշտության դեպքում, Ռուսաստանի Դաշնությունում ռազմական դրության ժամանակահատվածում կարող են կիրառվել 2002 թվականի հունվարի 30-ի թիվ 1-ԴՍՕ «Ռազմական դրության մասին» Դաշնային սահմանադրական օրենքով նախատեսված այլ միջոցներ:
4. Սույն հրամանագիրն անհապաղ ներկայացվում է Ռուսաստանի Դաշնության Դաշնային ժողովի Դաշնության խորհրդի հաստատմանը:
5. Սույն հրամանագիրն ուժի մեջ է մտնում պաշտոնական հրապարակման օրվանից: