ՌԴ նախագահ Վլադիմիր Պուտինը Կրեմլում բանակցություններ է վարում Սլովակիայի վարչապետ Ռոբերտ Ֆիկոյի հետ։ Այս մասին հայտնել է VGTRK-ի լրագրող Պավել Զարուբինը Telegram-ի իր ալիքում՝ հրապարակելով հանդիպման կադրերը, փոխանցում է ՏԱՍՍ-ը։
Այս հանդիպումը Պուտինի և Ֆիկոյի առաջին անձնական զրույցն էր 2016 թվականից ի վեր։
Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Կիևը բացառում է «Գազպրոմի» հետ ռուսական գազի տարանցման մասին համաձայնագրի երկարաձգման հնարավորությունը 2025 թվականի հունվարի 1-ին դրա ավարտից հետո։ Նա նաեւ ընդգծել է, որ Ուկրաինան չի համաձայնի ադրբեջանական գազի քողի տակ ռուսական գազի տարանցմանը։
Զելենսկին նշել է, որ այդ դիրքորոշումը քննարկել է Սլովակիայի վարչապետ Ռոբերտ Ֆիկոյի հետ, թեև ուղղակիորեն չի հստակեցրել՝ խոսքը Ադրբեջանի մասին է, թե ոչ։
Ֆիկոն այս հայտարարությանը կոշտ է արձագանքել՝ սպառնալով Ուկրաինային լուրջ հետեւանքներով։ «Եթե Զելենսկին չապահովի մեր գազի տարանցումը, դա կարող է հանգեցնել լուրջ հակամարտության»,- ասել է Սլովակիայի վարչապետը։