Ռուսաստանի նախագահ Վլադիմիր Պուտինն ընդգծել է պետական սահմանի ավելի արդյունավետ պաշտպանության անհրաժեշտությունը՝ հաշվի առնելով հարևան երկրներում մարող հակամարտությունների ռիսկը:
«Անհրաժեշտ է ձգտել պետական սահմանի առավել արդյունավետ պաշտպանությանն, առավել ևս հաշվի առնելով մեր սահմանների հարևանությամբ ծխացող տարածաշրջանային հակամարտությունների ռիսկերն»,- ընդգծել է երկրի ղեկավարը կիրակի Արտաքին հետախուզության ծառայության (ԱՀԾ) գլխավոր գրասենյակ այցելության ժամանակ:
Պուտինը հանձնարարել է նաև լուրջ ուշադրություն դարձնել տեղեկատվական անվտանգությանը, ծայրահեղականության ու կոռուպցիայի հետ պայքարին և տնտեսության ոլորտում հանցագործություններին:
Իր հերթին Անվտանգության դաշնային ծառայության աշխատակիցներն, ըստ նախագահի, պետք է շարունակեն հուսալիորեն ապահովել պետական օբյեկտների և նշանակալի իրադարձությունների անվտանգությունը, իսկ Հատուկ ծրագրերի գլխավոր վարչությունը պետք է «լուծի խնդիրների լայն շրջանակ` բարձրացնելու հիմնական կառավարության մարմինների և կապի համակարգերի աշխատանքի կայունությունը ցանկացած, նույնիսկ առավելագույն բարդ միջավայրում»:
Փոփոխվող իրավիճակն աշխարհում
Պուտինն ակնկալում է, որ ԱՀԾ-ն կշարունակի ճկուն արձագանքել փոփոխվող իրավիճակին աշխարհում:
«Հուսով եմ, որ Արտաքին հետախուզության ծառայությունը կշարունակի ճկուն արձագանքել միջազգային իրավիճակի փոփոխությունների բարձր դինամիկային, ակտիվորեն մասնակցել Ռուսաստանի համար հնարավոր սպառնալիքների հայտնաբերմանը և չեզոքացմանը և բարելավել իր վերլուծական նյութերի որակն», - ասել է պետության ղեկավարը:
Պուտինը ԱՀԾ կենտրոնակայան է ժամանել կիրակի՝ ծառայության հարյուրամյակի կապակցությամբ: Նա շնորհավորել է ծառայության աշխատակիցներին և վետերաններին տոնի՝ Անվտանգության ծառայության աշխատողների օրվա առթիվ:
«Հաջողություն եմ մաղթում յուրաքանչյուրին, ով պաշտպանում է Ռուսաստանը, մեր ժողովրդին արտաքին և ներքին սպառնալիքներից, պաշտպանում է ինքնիշխանությունն ու ազգային շահերը, և ում համար հայրենիքի անվտանգությունն ու բարեկեցությունը, եղել են, կան և կլինեն ողջ կյանքի հիմնական գործն», - ասել է նախագահը: Նա նշել է, որ դեկտեմբերի 20-ին նշվում է «պետության անվտանգության ապահովման ոլորտում աշխատող բոլոր պետական մարմինների և հատուկ ծառայությունների տոնը»: Արտաքին հետախուզության ծառայության տարեդարձի կապակցությամբ պետության ղեկավարը շնորհավորել է բոլորին «ովքեր աշխատել և շարունակում են աշխատել պետության համար այս կարևոր, պետության համար կարևորագույն գործունեության ոլորտում»: Նախագահն առանձին դիմել է նրանց, ովքեր «վերջերս են իրենց համար ընտրել այս՝ երբեմն զգալի ռիսկի հետ կապված ճակատագիրը <...>, շարունակելով իրենց նախորդների ավանդույթները, ովքեր ծառայում էին նաև մինչհեղափոխական Ռուսաստանին»:
«Անցյալ դարի ընթացքում հետախույզներն անգնահատելի ներդրում են ունեցել պետության անվտանգության ապահովման գործում՝ անձնուրաց կատարելով ամենաբարդ խնդիրները, որոնց արդյունքները երբեմն ազդել են մեր ամբողջ, և գուցե երբեմն նույնիսկ համաշխարհային պատմության ընթացքի վրա», - ընդգծել է Ռուսաստանի ղեկավարը:
«ԱՀԾ աշխատակիցների հետ նույն մարտական շարասյունում են Ռուսաստանի անվտանգության բոլոր մարմինների ներկայացուցիչներն», - ասել է Պուտինը և տոնի առթիվ շնորհավորանքներ փոխանցեց դրանց աշխատակիցներին:
Նախագահը ուշադրություն է հրավիրել այն փաստի վրա, որ հակահետախուզության մարմինները պետք է զարգացնեն իրենց աշխատանքում գրանցած հաջողություններն: «Անհրաժեշտ է զարգացնել հակահետախուզության մարմինների աշխատանքում գրանցած հաջողությունները: Ես գիտեմ, ինչ եմ ասում այստեղ և շատ բարձր եմ գնահատում իրականացված բարդ, մասնագիտական գործողություններըն, - ասել է Պուտինը:
Հանցագործություններ խորհրդային ժողովրդի դեմ
Պուտինը շեշտել է, որ խորհրդային ժողովրդի դեմ կատարված հանցագործություններն ու բռնաճնշումները երբեք չեն մոռացվի:
«Մեր ընդհանուր խնդիրն է դիմակայել պատմությունը վերաշարադրելու ցանկացած փորձին, ներառյալ՝ նացիզմի դեմ հաղթանակի, ընդհանրապես մեր երկրի ազգային անվտանգության և ազգային շահերի ապահովման գործում հատուկ ծառայությունների դերը լռության մատնելը կամ մոռացության տալն», - ասել է պետության ղեկավարը:
«Այո, մենք հիշում ենք, և, իհարկե, երբեք չենք մոռանա 20-րդ դարի ողբերգական էջերը, մենք երբեք չենք մոռանա անցյալի դասերը, սեփական ժողովրդի նկատմամբ հանցագործությունների և բռնաճնշումների մասին», - հավաստիացրել է Պուտինը:
Սակայն, նրա կարծիքով, «միանշանակ է նաև, որ անվտանգության մարմինների արդյունավետ աշխատանքը, ենթակա օրենքին և ազգային շահերին, միշտ եղել է և կլինի խիստ կարևոր Ռուսաստանի համար»: «Սա մեր բազմազգ հասարակության ինքնիշխան, ժողովրդավարական, անկախ զարգացման, ցանկացած մարտահրավերների դիմակայելու ամենակարևոր երաշխիքներից մեկն է», - համոզված է նախագահը:
«Մեծ հաղթանակի 75-ամյակի տարում մենք գլուխ ենք խոնարհում բոլորի հիշատակի առջև, ով գրոհի է տարել անվտանգության մարմինների անձնակազմից կազմված ստորաբաժանումների մարտիկներին, կռվել ամենաթեժ առաջնագծում՝ պաշտպանելով Մոսկվան, Լենինգրադը, Ստալինգրադը, պայքարելով Կուրսկի մոտ և Հայրենական մեծ պատերազմի այլ կարևոր ուղղություններում, ստեղծել պարտիզանական ջոկատներ և կարևոր խնդիրներ իրականացրել թիկունքում, վերացրել լրտեսներին, դավաճաններին և դիվերսանտներին:
Ահաբեկչության դեմ պայքար
Նախագահն ասել է, որ Ռուսաստանի Դաշնության հատուկ ծառայությունները պետք է շարունակեն վճռականորեն պայքարել ահաբեկչության դեմ, որի շնորհիվ արդեն իսկ զգալիորեն նվազել է այս տեսակի հանցագործությունների թիվը:
Ըստ նրա, եթե 2015-ին Ռուսաստանում գրանցվել էր 36 ահաբեկչական հանցագործություն, ապա «այս տարվա 11 ու կես ամսվա ընթացքում` երկու»: «Այս վիճակագրության հետևում կանգնած է ամենօրյա հսկայական վտանգավոր և քրտնաջան աշխատանքը, դրա նոր որակը: ԱԴԾ և Ազգային հակաահաբեկչական կոմիտեի ենթակայության տակ գտնվող այլ ծառայությունները պետք է շարունակեն գործել նույնքան վճռական և հետևողական», - ասել է պետության ղեկավարը:
Նա ներկայիս իրավիճակը համեմատել է ոչ միայն 1990-ականների կեսերի և 2000-ականների սկզբի, այլև համեմատաբար մոտ՝ 2010-ի հետ, երբ Ռուսաստանի Դաշնությունում գրանցվել էր 779 ահաբեկչական ուղղվածության հանցագործություն:
Պուտինը նշել է, որ ռուս ժողովուրդն «իր սեփական, հատուկ հաշիվն» ունի միջազգային ահաբեկչության հետ: «Մենք հիշում ենք բոլորին, ովքեր զոհվել են, պաշտպանելով Ռուսաստանն այս դաժան թշնամուց, որի հետ բախվեց մեր երկիրը իր պատմության ամենադժվար ժամանակահատվածում», - ասել է Պուտինը: