ՌԴ նախագահ Վլադիմիր Պուտինը հրամայել է կարճ ժամկետում ամբողջությամբ վերացնել Կուրսկի շրջանում գործող թշնամու ուժերը, հայտնում է ՏԱՍՍ-ը։
«Մեր անմիջական խնդիրն է արագ ավարտին հասցնել հակառակորդի պարտությունը, ով ամրացել է Կուրսկի շրջանի տարածքում և այնտեղ ռազմական գործողություններ է իրականացնում», - ասել է նա սահմանամերձ շրջանի հրամանատարական կետերից մեկում կայացած հանդիպմանը։
Պետության ղեկավարը Կուրսկի մարզ է ժամանել զինվորական համազգեստով, որտեղ լսել է ՌԴ ԶՈւ գլխավոր շտաբի պետ Վալերի Գերասիմովի զեկույցը։ Ուկրաինայի զինված ուժերի հարձակումից հետո սա նրա առաջին այցն է տարածաշրջան։