՛՛Ինտեր՛՛ հեռուստաալիքի եթերում Վրաստանի նախկին նախագահ Միխայիլ Սահակաշվիլին նշել է, որ Ռուսաստանի նախագահ Վլադիմիր Պուտինն ամեն անգամ ստում է, երբ խոսքը ռազմավարական հարցերի մասին է, եւ գրեթե չի թաքցնում, որ ստում է:
՛՛Գլխավորը երկարաժամկետ խաղաղության մասին թակարդը չընկնելն է, ուկրաինական զորքերը պետք է պատրաստ լինեն պաշտպանության:Պետք է հասկանալ, որ զինադադարն ըստ էության չի նշանակում խաղաղություն: Գլխավորը երկարաժամկետ խաղաղության մասին այդ թակարդը չընկնելն է: Պուտինն ամեն անգամ ստում է, երբ խոսքը ռազմավարական հարցերի մասին է, եւ գրեթե չի թաքցնում, որ ստում է՛՛,- նշում է Սահակաշվիլին:
Ըստ նրա՝ Պուտինը պատրաստվում է հետ գրավել ուկրաինական բանակի ազատագրած Դոնբասի քաղաքները, քանի որ իր Ղրիմ տանող միջանցք է հարկավոր:
՛՛Նա ցանկանում է վերահսկողության տակ վերցնել Դոնբասը. սա նշանակում է, որ հարկավոր է դուրս մղել զորքերը Սլավյանսկից, Սեւերոդոնեցկից՛՛,- նշել է Վրաստանի նախկին նախագահ Միխայիլ Սահակաշվիլին ՛՛Շաբաթվա մանրամասները՛՛ հաղորդման եթերում:
՛՛Առաջիկ շաբաթների եւ ամիսների ընթացքում նա պետք է Ղրիմ տանող միջանցք ստեղծի, այսինքն հարկավոր է Մարիուպոլը եւ մյուս բնակավայրերը, որոնք Ղրիմ տանող ճանապարհի վրա են… Պուտինը հստակ առաջադրանք ունի, եւ նա հետեւելու է իր ծրագրին, եթե նրան այդ հարցում ինչ-որ բան չխանգարի՛՛,- ասել է Սահակաշվիլին:
Բավ է պառակտվել