«Ռուսաստանը, որպես երկու տարի առաջ ստորագրված եռակողմ համաձայնագրերի և փաստաթղթերի կողմերից մեկը, շարունակում է կատարել իր պարտավորությունները և շատ տքնաջան ու բարդ աշխատանք է տանում թե՛ Հայաստանի, թե՛ Ադրբեջանի հետ»,- երեքշաբթի լրագրողներին ասաց Պեսկովը՝ մեկնաբանելով Ադրբեջանի նախագահին ուղղված ԱՄՆ պետքարտուղարի կոչը՝ ապաշրջափակել Լաչինի միջանցքը։
Նախօրեին Պետդեպարտամենտից հայտնել էին, որ Էնթոնի Բլինկենը կոչ է արել Իլհամ Ալիեւին «անհապաղ բացել Լաչինի միջանցքը առևտրային երթեւեկության համար»։ Պետքարտուղարն ընդգծել է, որ Լաչինի միջանցքի փակման հետ կապված հումանիտար ճգնաժամի վտանգը խաթարում է Հայաստանի և Ադրբեջանի միջև խաղաղության հեռանկարները։
Նա նաև մտահոգություն է հայտնել Ադրբեջանում մարդու իրավունքների պահպանման վերաբերյալ։