Ռուսաստանը հանդես է գալիս Հարավային Կովկասում տրանսպորտային և տնտեսական կապերի ապաշրջափակման օգտին, հայտարարել է ՌԴ վարչապետ Միխայիլ Միշուստինը Ալմաթիում Հայաստանի վարչապետ Նիկոլ Փաշինյանի հետ հանդիպմանը:
«Մենք ավանդաբար հանդես ենք գալիս Անդրկովկասում տնտեսական և տրանսպորտային կապերի ապաշրջափակման օգտին»,- ասել է նա։
Միշուստինն ընդգծել է, որ նոր տրանսպորտային երթուղիների, ենթակառուցվածքի ստեղծումը համապատասխանում է տարածաշրջանի բոլոր պետությունների շահերին:
2020 թվականի նոյեմբերի 9-ին Ռուսաստանի Դաշնության, Ադրբեջանի և Հայաստանի ղեկավարները ստորագրեցին հայտարարություն Արցախում բոլոր ռազմական գործողությունները դադարեցնելու մասին, որի համաձայն, մասնավորապես, Ադրբեջանին են անցնում Շուշին, Աղդամի, Քարվաճառի և Լաչինի շրջանները, բացառությամբ Ղարաբաղը Հայաստանի հետ կապող 5 կիլոմետրանոց միջանցքի: Ղարաբաղում շփման գծի և Լաչինի միջանցքի երկայնքով տեղակայվել է ռուսական խաղաղապահ զորախումբ։ 2021 թվականի հունվարի 11-ին Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը և Հայաստանի վարչապետ Նիկոլ Փաշինյանը համատեղ հայտարարություն ստորագրեցին՝ ուղղված տարածաշրջանի զարգացմանն ու հաղորդակցությունների ապաշրջափակմանը։