Ռուսաստանի Դաշնության պաշտպանության նախարարությունը հանդես է եկել հայ-ադրբեջանական սահմանի սահմանագծման և սահմանազատման նախապատրաստական փուլի հետ կապված առաջարկություններով։ Այս մասին հինգշաբթի կառավարության նիստում հայտարարեց ՀՀ վարչապետ Նիկոլ Փաշինյանը։
Փաշինյանը նշեց, որ երեկ Ազգային ժողովում կառավարության հարցուպատասխանի ժամանակ հայտարարեց, որ 2021 թվականի մայիսի 12-ից մինչ այժմ Ռուսաստանի Դաշնության կողմից 3 առաջարկ է արվել Հայաստանի և Ադրբեջանի միջև սահմանի սահմանագծման և սահմանազատման վերաբերյալ. «երեքն էլ, ըստ էության, ընդունելի էին մեզ համար և շարունակում են ընդունելի մնալ»։
«Երեկ իմ հայտարարությունից հետո ՌԴ ՊՆ-ն դեմարկացիայի եւ դելիմիտացիայի նախապատրաստական փուլի վերաբերյալ հանդես է եկել առաջարկություններով: Ես ուզում եմ վերահաստատել, որ այդ առաջարկությունները մեզ համար ընդունելի են»,- ասաց նա։
Վարչապետը ՀՀ պաշտպանության նախարար Սուրեն Պապիկյանին հանձնարարել է ռուս գործընկերոջ հետ ճշգրտել մանրամասները և փորձել իրագործել առաջարկներն Ռուսաստանի արած առաջարկների շրջանակում և հիման վրա։
Նախօրեին Փաշինյանը հայտնել էր, որ Հայաստանին երկու առաջարկ է ներկայացվել Ադրբեջանի հետ սահմանի դեմարկացիայի վերաբերյալ, որոնց հայկական կողմը համաձայնել է։