Բա՛վ է պառակտվել
01-10-2019 20:44

Ռոհանին հայտարարել է ԱՄՆ թշնամական վերաբերմունքին միջազգային հանրության հակադրման անհրաժեշտության մասին

Իրանի Իսլամանական հանրապետության նախագահ Հասան Ռոհանին Եվրասիական բարձրագույն տնտեսական խորհրդի նիստին հայտարարել է, որ միջազգային հանրությունը պետք է հակադրվի Միացյալ նահանգների թշնամական և միակողմանի մոտեցմանն, ընդունելով լուրջ որոշումներ և ձեռնարկելով արդյունավետ գործողություններ։

Երևանում հոկտեմբերի 1-ին կայացել է Եվրասիական բարձրագույն տնտեսական խորհրդի նիստը։ Բացի ԵԱՏՄ անդամ երկրների ղեկավարներց (Հայաստան, Բելառուս, Ղազախստան, Ղրղզստան և Ռուսաստան) նիստին հրավիրված են նաև Մոլդովայի նախագահը՝ որպես միությանը կից դիտորդ երկրի ղեկավար, ինչպես նաև պատվավոր հյուրեր՝ Իրանի նախագահը և Սինգապուրի վարչապետը։

Ռոհանին ասել է, որ համաշխարհային համակարգը հիմնված է միջազգային հանրության բոլոր անդամների համագործակցության վրա, և բոլոր երկրները պարտավոր են դեմ հանդես գալ միակողմանիությանը համաձայն միջազգային պարտավորությունների, խաղաղության, անվտանգության, կայունության և միջազգային կարգի պահպանմանը համապատասխան։

“Որոշ երկրների, այդ թվում՝ Իրանի Իսլամական հանրապետության դիմադրությունը և հակադրումը ԱՄՆ թշնամական և միակողմանի գործողություններին հանգեցրել են կոշտ և անմարդկային պատժամիջոցների։ Վերջին տարիներին ԱՄՆ-ն հետապնդում է շատ երկրներին, ներառյալ՝ Չինաստանն ու Ռուսաստանը, և անգամ իր որոշ դաշնակիցներին, անտեսելով միջազգային պարտավորությունները և համաձայնագրերն ու խախտելով երկկողմ համաձայնությունները”,- նշել է նախագահը։

Նա ընդգծել է, որ ԱՄՆ հարկադրման միջոցները, դոլարը որպես զենք օգտագործելը “կհանգեցնեն տնտեսական ահաբեկչության, և ուղղված են հասարակ մարդկանց կյանքին”։

Ռոուհանին նաև նշել է, որ Համատեղ գործողությունների համապարփակ ծրագրի (ՀԳՀԾ) իրականացումը, որպես միջազգային խնդիրների լուծման գործում բազմակողմանի դիվանագիտության հաջողության արդյունավետ մոդել, պահանջում է բոլոր ստորագրող կողմերի փոխադարձ պարտավորությունների լիարժեք իրականացում, և Միավորված ազգերի կազմակերպության բոլոր անդամները պարտավորվում են աջակցել և իրականացնել դրա դրույթները:

«Իսլամական հանրապետությունն ակնկալում է, որ ՀԳՀԾ-ն ստորագրող կողմերն կկատարեն այն ներկայիս ծանր պայմաններում: Երկրների աջակցությունն այս բազմակողմանի նվաճմանը կարևոր է տարածաշրջանային և միջազգային անվտանգության ու կայունության պահպանման և ամրապնդման համար”, - ասել է նա:

Ռոուհանին ասել է, որ Միացյալ Նահանգների կործանարար գործողությունների արդյունքում ստիպված են բախվել երկրների տնտեսական հարաբերություններում բազմաթիվ խնդիրների, աղքատության աճի, ապահովության բացակայության, արտագաղթի և համաշխարհային տնտեսական աճի դանդաղեցման հետ: Եվ այդպիսի լարված իրավիճակի շարունակվելը, նրա խոսքով, կհանգեցնի անդառնալի վնասի։

«Միջազգային համակարգում վախի և հուսահատության նման մթնոլորտում մեզ անհրաժեշտ է բազմակողմանի և տարածաշրջանային տնտեսական համագործակցություն՝ միջազգային համակարգում բազմակողմանիությանը զուգահեռ”, - ասել է Իրանի նախագահը:

Ռոուհանին նշել է, որ հավաքական և տարածաշրջանային համագործակցությունը տնտեսական, առևտրային և քաղաքական միությունների տեսքով, ինչպիսիք են Եվրասիական տնտեսական միությունը, Տնտեսական համագործակցության կազմակերպությունը, Շանհայի համագործակցության կազմակերպությունը և Ասիական քաղաքակրթությունների երկխոսության ֆորումը հանդիսանում են տարածաշրջանային տնտեսական և քաղաքական ինտեգրման կարևոր գործիքներ, որոնց աջակցում է Իրանը։

Փաշինյանը և Ռոհանին քննարկել են Իրան-ԵԱՏՄ համագործակցության հարցերը
Փաշինյանն ացելել է Մխիթարյան միաբանություն և ծանոթացել ջրհեղեղի հետևանքների հետ (տեսանյութ)
Գրոհայինները կարող են Հայաստանի տարածքը որպես տարանցիկ ճանապարհ օգտագործել․ ԱԽ քարտուղար
Մոսկվան ու Երևանը չեն կարող գործել միմյանց դեմ․Փաշինյան (Տեսանյութ)
Ես այն կարծիքին չեմ, որ իմ ներկայացրած օրենսդրական նախագծերը մատաղի նման ընդունելի պիտի լինեն