Հանրապետական կուսակցության կալանավորված փոխնախագահ Արմեն Աշոտյանը հայտարարել է, որ կուսակցությունը չի մասնակցելու Երևանի ավագանու ընտրություններին։
Հունիսի 16-ին Հակակոռուպցիոն դատարանը որոշել է ՀՀԿ փոխնախագահ Արմեն Աշոտյանին կալանավորել 2 ամիս ժամկետով։ Նա, մասնավորապես, մեղադրվում է յուրացումների և խափանման միջոցի պայմանները խախտելու մեջ։
Այսպես է նա մեկնաբանել մամուլում շրջանառվող այն տեղեկությունը, թե իբր ինքը քաղաքապետի թեկնածու է ընդդիմությունից։
Երևանի ավագանու ընտրությունները տեղի կունենան այս տարվա սեպտեմբերի 17-ին։ 2018 թվականի սեպտեմբերի 23-ին ընտրված գործող ավագանու լիազորությունները լրանում են այս տարվա հոկտեմբերի 10-ին։ Հայաստանի մայրաքաղաքում քաղաքապետի աթոռը թափուր այս տարվա մարտի 17-ին նախկին քաղաքապետ Հրաչյա Սարգսյանի հրաժարականից հետո։ Նրա պարտականությունները ժամանակավորապես կատարում է առաջին փոխքաղաքապետ Լևոն Հովհաննիսյանը։
