Լեռնային Ղարաբաղում ռազմական գործողությունների դադարեցման և գործընթացը քաղաքական-դիվանագիտական հուն դուրս բերելու համար աշխատանքները շարունակվում են: Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը:
«Ընդհանուր առմամբ շարունակվում է աշխատանքը, որպեսզի դադարեցվեն ռազմական բախումները և հակամարտության կարգավորման գործընթացը դուրս բերվի քաղաքական-դիվանագիտական դաշտ», - ասել է Պեսկովը:
Հիշեցնենք, որ ավելի վաղ, Հայաստանի ու Ադրբեջանի ղեկավարները ռուսական ՏԱՍՍ գործակալությանը տված հարցազրույցում պատրաստակամություն էին հայտնել մեկնել Մոսկվա՝ ԼՂ հակամարտության շուրջ բանակցությունների համար։