Եվրաինտեգրման հարցերով հանձնակատար Շթեֆան Ֆյուլեն հրաժարվել է Ղրիմը համեմատել Ղարաբաղի հետ, գրում է haqqin.az-ը: «Արևելյան գործընկերության» մասնակից երկրների արտգործնախարարների ոչ պաշտոնական 4-րդ հանդիպումից հետո ադրբեջանցի լրագրողները հետևյալ հարցադրումն են արել Ֆյուլեին. «Ինչո՞ւ Ղրիմը գրաված Ռուսաստանի նկատմամբ պատժամիջոցներ ներդրվեցին, իսկ Ղարաբաղը գրաված Հայաստանի դեմ՝ ոչ»: Շթեֆան Ֆյուլեն հրաժարվել է պատասխանել հարցին և միայն նշել, որ Ղրիմի և Ղարաբաղի միջև չի կարելի զուգահեռներ անցկացնել: Նրա խոսքով՝ Եվրամիությունը բոլոր ջանքերը կգործադրի սառեցված հակամարտությունների լուծման համար:
Բավ է պառակտվել