Ռուսաստանի նախագահ Վլադիմիր Պուտինը չի կարծում, որ Արցախում հակամարտության սրումը պայմանավորված է արտաքին միջամտությամբ:
«Իրավիճակը դուրս եկավ վերահսկողությունից, և այս լարվածությունը տևում էր երկար տարիներ: Չեմ կարծում, որ դա տեղի ունեցավ ինչ-որ արտաքին միջամտության պատճառով: Բազմիցս եղել են խնդիրներ, կրակոցներ և փոքր բախումներ: Ի վերջո, այս ամենը հանգեցրեց հակամարտության»,- ասաց նախագահը հինգշաբթի օրը մեծ ասուլիսի ընթացքում :
Նա նշեց, որ Ռուսաստանի դիրքորոշումը միշտ եղել է այն, որ անհրաժեշտ է համաձայնության գալ առանց որևէ արյունահեղության։
«Այս սկզբունքի վրա էր հիմնված մեր դիրէորոշումը նաև Մինսկի խմբում, որտեղ Ռուսաստանը, ԱՄՆ-ը և Ֆրանսիան համանախագահող երկրներ են: Երկար տարիներ մենք միշտ ելել ենք այն փաստից, որ Լեռնային Ղարաբաղի շուրջ 7 պահվող շրջանները պետք է վերադարձվեն Ադրբեջանին», - բացատրեց նա:
Միևնույն ժամանակ, Պուտինը շեշտեց, որ Լեռնային Ղարաբաղի կարգավիճակը պետք է մնա անփոփոխ: «Այսինքն՝ կարգավիճակի հարցը պետք է տեղափոխվի ապագա, պետք է ֆիքսվի ստատուս քվոն Լեռնային Ղարաբաղում, բայց Լեռնային Ղարաբաղի և Հայաստանի միջև շփման հնարավորության պարտադիր ստեղծմամբ։ Այդ նպատակով պետք է ստեղծվեր այսպես կոչված Լաչինի միջանցքն, այսինքն՝ դա Հայաստանի ու Լեռնային Ղարաբաղի կապերի միջանցք է», - հավելեց ՌԴ նախագահը:
Պուտինն անդրադարձավ նաև ստեղծված իրավիճակում Թուրքիայի դիրքորոշմանը:
«Թուրքիան պաշտպանում էր, ինչպես իրենք են համարում, Ադրբեջանի արդար գործը, այն է՝ վերադարձնել տարածքները, որոնք գրավվել էին 90-ականների բախման ընթացքում. միջազգային իրավունքի տեսաննկյունից այս բոլոր տարածքներն Ադրբեջանի Հանրապետության բաղկացուցիչ մասն են», - ասաց նա` հավելելով, որ Հայաստանն ինքը չի ճանաչել Լեռնային Ղարաբաղի անկախությունը:
«Ուստի, այս իմաստով, հաշվի առնելով այս հանգամանքը, ամբողջ Լեռնային Ղարաբաղը նույնպես՝ միջազգային իրավունքի տեսանկյունից Ադրբեջան է: Բայց իրավիճակն, իմ կարծիքով, ավելի բարդ է, քան պարզապես նորմատիվային պոստուլատները, ներառյալ միջազգային իրավական հիմքերն էթնիկական հակամարտության մեջ, որը սկսվել է Սումգայիթում, իսկ հետո անցել Լեռնային Ղարաբաղ, այստեղ յուրաքանչյուր կողմն ունի իր ճշմարտությունը», - ասաց նախագահը:
Նա հիշեց, որ Լեռնային արաբաղի հայերը ժամանակին զենք են վերցրել ՝ իրենց կյանքը և արժանապատվությունը պաշտպանելու համար, և իրավիճակ է ստեղծվել, ինչպես այս տարի հակամարտության սրման պահին: