Բավ է պառակտվել
31-05-2021 18:07

Կովկասի տարածաշրջանում ձեռք բերված համաձայնագրերն առանձնահատուկ նշանակություն ունեն Իրանի համար. ԱԳՆ

Կովկասի տարածաշրջանում ձեռք բերված համաձայնագրերն առանձնահատուկ նշանակություն ունեն Իրանի համար, ասել է Իրանի ԱԳՆ խոսնակ Սաիդ Խաթիբզադեն, մեկնաբանելով վերջերս Իրանի արտգործնախարար Մոհամադ Ջաֆար Զարիֆի այցը Ադրբեջան և Հայաստան:

«Այդ կապակցությամբ նախորդ խորհրդակցությունները կենտրոնացած էին տարածաշրջանում խաղաղության և կայունության պահպանման երկու հարցերի, ինչպես նաև Ադրբեջանի և Հայաստանի միջև ձեռք բերված պայմանավորվածությունների հետ կապված հետագա գործողությունների վրա», - ասել է Խաթիբզադեն երկուշաբթի ճեպազրույցում, հաղորդում է Mehr News- ը:

Ըստ նրա, այս երկրներում Զարիֆի բանակցությունների ընթացքում ընդգծվել է Իրանի ու Ադրբեջանի, ինչպես նաև Իրանի ու Հայաստանի միջև տնտեսական ու առևտրային հարաբերությունների ընդլայնման կարևորությունը:

Զարիֆը Երևան է այցելել մայիսի 26-ին: Նա հանդիպումներ է ունեցել Հայաստանի նախագահ Արմեն Սարգսյանի, վարչապետի ժ․պ․ Նիկոլ Փաշինյանի և Արտաքին գործերի նախարարի արդեն նախկին պաշտոնակատար Արա Այվազյանի հետ:

Մասնավորապես, Փաշինյանի հետ զրույցի ընթացքում Իրանի ԱԳՆ ղեկավարն ասել է, որ իր երկիրը խաղաղություն է ցանկանում այս տարածաշրջանում և միշտ ընդգծել է տարածքային ամբողջականության, ինքնիշխանության և ճգնաժամերի խաղաղ կարգավորման կարևորությունը:

Զրուցակիցները քննարկել են հայ-ադրբեջանական սահմանին իրավիճակի կարգավորմանն ուղղված քայլերը:

Մենք խաղաղություն ենք ցանկանում տարածաշրջանում և կարևորում ենք տարածքային ամբողջականությունը․ Իրանի ԱԳ նախարարը՝ Փաշինյանին
Զարիֆը Ստամբուլում կքննարկի տրանսպորտային համագործակցության հարցը
Փաշինյանն ընդունել է Իրանի ԱԳՆ ղեկավարին: Հանդիպման մանրամասները (լուսանկարներ, տեսանյութ)
«Տարածաշրջանում կոմունիկացիաների ապաշրջափակման հարցում շահագրգռված են և Թուրքիան, և Իրանը»․ ՌԴ-ի արտգործնախարար
Ադրբեջանը խախտել է վաղօրոք ձեռք բերված պայմանավորվածությունը․ՊԲ