Բա՛վ է պառակտվել
30-01-2020 22:49

ԵԱՀԿ ՄԽ համանախագահները կարևորում են ստեղծագործ մոտեցումը ղարաբաղյան հակամարտության կարգավորման հարցում (տեսանյութ)

Հունվարի 28-30-ը Ժնևում ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ) և ԵԱՀԿ գործող նախագահի անձնական ներկայացուցիչ Անջեյ Կասպրչիկի միջնորդությամբ և մասնակցությամբ տեղի ունեցավ Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը:

Հայաստանի ԱԳՆ մամլո քարտուղար Աննա Նաղդալյանը ներկայացրել է Հայաստանի արտգործնախարար Զոհրաբ Մնացականյանի և Ադրբեջանի արտգործնախարար Էլմար Մամեդյարովի Ժնևում կայացած հանդիպման մանրամասները։

“Եռօրյա ինտենսիվ քննարկումների ընթացքում անդրադարձ է կատարվել Լեռնային Ղարաբաղի հիմնախնդրի խաղաղ կարգավորման գործընթացին առնչվող հարցերի լայն շրջանակի. 2019 թվականին ձեռք բերված պայմանավորվածությունների և քննարկված առաջարկների իրականացումը և ժողովուրդներին խաղաղության նախապատրաստելու ուղղությամբ հնարավոր հաջորդ քայլերը, ապագա կարգավորման հիմքը հանդիսացող սկզբունքները և տարրերը։ Քննարկվել են նաև կարգավորման գործընթացի առաջմղմանն ուղղված ժամանակացույցը և օրակարգը”,- հայտնել է Նաղդալյանը:

Նրա խոսքով՝ Մնացականյանը շեշտել է խաղաղ գործընթացում Արցախի ժողովրդի ընտրյալ ներկայացուցիչների ներգրավման անհրաժեշտությունը:

“ԵԱՀԿ Մինսկի խմբի համանախագահները վերահաստատեցին հակամարտության խաղաղ կարգավորման ուղղությամբ կողմերին աջակցելու և կարգավորման գործընթացի կոնֆիդենցիալության սկզբունքի հանդեպ իրենց լիակատար հանձնառությունը: Նրանք շեշտեցին արդար և տևական խաղաղության ձեռքբերման համար ստեղծագործ մոտեցման և փոխզիջման ոգու անհրաժեշտությունը”,- նշվել է հայտարարությունում:

ԱԳ նախարարները համաձայնել են կրկին հանդիպել մոտ ապագայում ԵԱՀԿ Մինսկի խմբի համանախագահների հովանու ներքո:

Հայաստանի և Ադրբեջանի ԱԳ նախարարների հանդիպումը կշարունակվի հունվարի 30-ին
Ժնևում շարունակվում է Հայաստանի և Ադրբեջանի ԱԳ նախարարների հանդիպումը
Հայաստանի և Ադրբեջանի արտգործնախարարների հանդիպումը կկայանա շուտով․ Զոհրաբ Մնացականյան
Ժնևում մեկնարկել է Հայաստանի և Ադրբեջանի ԱԳՆ ղեկավարների հանդիպումը
Ինչպես է Ելփին գյուղը գիշերն անցկացրել կրակահերթերի տակ (Տեսանյութ)