Բա՛վ է պառակտվել
16-06-2020 15:11

Հեղափոխություն արած ուժը դարձավ հակահեղափոխական

«Բարգավաճ Հայաստան» խմբակցության պատգամավոր Վարդան Ղուկասյանն այսօր ԱԺ ամբիոնից իր ելույթում, խոսելով ԲՀԿ ղեկավարների նկատմամբ հարուցված գործերից, հայտարարեց, որ «նստելուց» չի վախենում:
«Վախեցնում եք՝ դատարան կգնաս, բանտ կգնաս: Տո, բանտում մարդիկ մերն են, մենք նրանցն ենք, բոլորս էլ նույնն ենք, Լենինն էլ է դատվել, ասում են Պողոս Առաքյալն է դատվել: Ոչինչ: Դրանից հետո էլ կյանք կա», ասաց նա՝ խորհուրդ տալով՝ «Մի դատեք, որ չդատվեք»:
Նա նաև իշխող խմբակցության գործընկերներին մեղադրեց նախկին իշխանությունների գործելաոճը կրկնելու մեջ`զգուշացնելով, որ Գագիկ Ծառուկյանի ձեռնարկություններում աշխատող տասնյակ հազարավոր մարդիկ նրա դատապարտվելուց ու անգործ մնալուց հետո դուրս են գալու փողոց:

Իսկ ԲՀԿ –ական պատգամավոր Արման Աբովանի համար անսպասելի էր,որ հեղափոխության արած ուժը կդառնա հակահեղափոխական: Արման Աբովյանը նշեց, որ Գագիկ Ծառուկյանը ասել է ճշմարտությունը, որ ձախողել են: «Ձախողման հիմնական պատճառն այն է, որ մտնելով տաքուկ կաբինետներ, ստանալով ձեր պադավատները, մոռացել եք, թե ով է ձեզ բերել իշխանության,և հիմա էլ եք մոռացել: Ես գիտեմ, որ ձեր մեջ կան մարդիկ, ովքեր բոլորից լավ են հասկանում այսօրվա գործողությունների ապօրինությունը, հասկանում են, որ այսօր իրենց ձեռքերով իրականացվում է քաղաքական հակահեղափոխություն: Դուք չեք պատկերացնում, թե որքան եք նման նախկիններին, ձեր հայացքներով, պահվածքով»,-ասաց նա:

Պատգամավորը նշեց, որ Գլխավոր դատախազը այստեղ գալիս և հեքիաթ է կարդում, իսկ Առողջապահության նախարարն իր գործը թողած նախաքննության փաստաթուղթ է հրապարակում և դատախազը ասում է՝ նորմալ է: «Փիառստան եք սարքել Հայաստանը, հերիք է, ձեր ուզածը որն է, պատժեք հանցագործներին, ոչ թե սարքեք մարդկանց գլխին, ինչից եք վախեցել, վախեցել եք նրանից, ինչը տեսաք հայելու մե՞ջ»,-ասաց նա և կոչ արեց աշխատել:

«Այո, դուք դավաճանության ճանապարհին եք և այդ դավաճանությունը սկսեց այն պահից հետո, երբ կանանց գետնի վրա Ոստիկանությունը քարշ տանելով բռնության էր ենթարկում, իսկ ձեր ջեբի ՀԿ-ները և դուք ուրախ-ուրախ ստատուսներ եք գրել, որ բռնությունը չի եղել, համաչափ է: Մոռացե՞լ եք ձեզ ոնց էին քարշ տալիս»,-ասաց Աբովյանը։

Իսկ ԲՀԿ –ական մեկ այլ պատգամավոր Արթուր Դալլաքյանը նշեց,որ 90-ական թվականներին մոտ 17-18 տղա էր, ր հիշում էր,որ աչքի առաջ կատարվում էր քաղաքական ռեպրեսիաներ, ընդ որում, ինքն էլ է ենթարկվել:
«Այսքան բանն ասում եմ շատ մեծ հարգանքով Ձեր նկատմամբ, չէի ուզենա այս ճանապարհը Դուք անցնեք, որպես գործընկերներ, իմ խորհուրդն է Ձեզ՝ այդ ճանապարհով մի անցեք, չեն հարգվելու դրանք, որովհետև այդ մարդիկ կյանքեր են խլել, տարել են շատ մարդկանց, որտեղից հետ չեն գալու, մարդու անուններ են ջարդելու: Այսօր այդ ռեպրեսիան ես տեսնում եմ, տեսնում եմ նաև իրավական բեսպրիդել»,-ասաց նա և նշեց, որ դա այն ժամանակ էլ էր տեսնում, ոնց կարելի է մարդու վրա չեղած բան կարել:

«Հարգելի՛ պարոն Դավթյան, Ձեր մասնագիտական ունակությունների վրա կասկած չունեմ, շատ ուժեղ մասնագիտական ունակություններ ունեք, բայց չպետք է դառնաք այն գործիքը, որը պետք է այսօրվա իշխանությունների ծառայի այլ նպատակների համար: Ունեք ժամանակ, որ հասկանաք, հետ կանգնեք այդ ճանապարհից»,-ասաց Արթուր Դալլաքյանը և նշեց, որ գալու է ժամանակ, որ մարդիկ հասկանան, որ այս ամենը ցիրկ է»,–ասաց նա և դիմելով գործընկերներին, ասաց, որ կցանկանար խորը քննարկեն իրենց ներաշխարհում ու կկարողանան ճիշտ քայլ կատարել:

 

 

Արմինե Գևորգյան

Այսօր էլ շարունակում եք կատարել նոր քաղաքական էլիտայի առաջնորդների քաղաքական պատվերները․Գորգիսյանը դատախազին
ԲՀԿ–ն բոյկոտեց ԱԺ նիստը
Քաղաքական, թե՞ իրավական գործընթացներ են ընթանում Գագիկ Ծառուկյանի շուրջ։
ԱԺ ֊ի որոշումը չէ, որ Հրայր Թովմասյանը պետք է մնա կամ հեռանա։ Գագիկ Ծառուկյան
87 կողմ, 0 դեմ. Գագիկ Ծառուկյանը զրկվեց անձեռնմխելիությունից,