Բավ է պառակտվել
30-10-2020 22:51

ԱՄՆ առաջարկում է ղարաբաղյան հակամարտության գոտում սկանդինավյան խաղաղապահներ տեղակայել

Սպիտակ տան ազգային անվտանգության գծով խորհրդական Ռոբերտ Օ՛Բրայենն առաջարկում է Լեռնային Ղարաբաղի հակամարտության գոտում սկանդինավյան խաղաղապահներ տեղակայել:
Ըստ նրա` հակամարտության գոտում ցանկացած զինված խաղաղապահ ուժ չպետք է ներառի ներկայացուցիչներ Մինսկի խմբի համանախագահ երկրներից, ինչպես նաև հարևան պետություններից:
«Թուրքիայի որևէ տեսակի միջնորդություն կամ խաղաղապահ դերակատարություն անընդունելի է ինչպես Միացյալ Նահանգների, այնպես էլ Հայաստանի համար», — Կալիֆոռնիայի հայ համայնքի ներկայացուցիչների հետ հանդիպման ժամանակ ասել է Օ՛Բրայենը:
«Մենք կարծում ենք, որ երկու երկրներն էլ պետք է ընդունեն սկանդինավյան խաղաղապահների գաղափարը, և մենք աշխատում ենք սկանդինավյան կառավարությունների հետ` ձևավորելու խաղաղապահ ուժեր, որոնք կարող են տեղակայվել տարածաշրջանում` հրադադարի ռեժիմը պահպանելու համար», — ասել է Օ’Բրայենը:

Արմինե Գևորգյան

ՌԴ ՊՆ-ն հրապարակել է Ղարաբաղում ռուսաստանցի խաղաղապահների տեղակայման քարտեզը
Ռուս խաղաղապահ ուժերը բերվել են Լեռնային Ղարաբաղ
Պուտինն առաջարկել է Փաշինյանին և Ալիևին հստակեցնել ռուս խաղաղապահ զորախմբի կարգավիճակը Ղարաբաղում
«Լեռնային Ղարաբաղի տարածաշրջանում ակտիվ քննարկում է խաղաղապահության հարցը» - Ստանիսլավ Զաս
Պուտինը Ղարաբաղի կարգավիճակի, Շուշի քաղաքի և պատերազմում զոհվածների թվի մասին