ԱՄՆ իշխանությունները երկուշաբթի ընդլայնել են Իրանի դեմ պատժամիջոցների ցանկը՝ երկրում բողոքի ցույցերը ճնշելու պատճառով, հայտնում է ՏԱՍՍ-ը՝ հղում անելով ԱՄՆ ֆինանսների նախարարությանը։
Լոնդոնի և Բրյուսելի հետ համաձայնեցված սահմանափակումների նոր փաթեթը ներառել է տաս անձ, որոնց թվում են Իրանի հետախուզության փոխնախարարը, ինչպես նաև Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) չորս ներկայացուցիչ: Բացի այդ, IRGC Cooperative Foundation-ը և նրա խորհրդի հինգ անդամները կրկին հայտնվել են «սև ցուցակում»: Ըստ Վաշինգտոնի, այս կառույցը «տնտեսական կոնգլոմերատ» է, որը ստեղծվել է Իսլամական հեղափոխության պահապանների կորպուսի ղեկավարության կողմից՝ ներդրումները կառավարելու և Իրանի տնտեսության տարբեր ոլորտներում ներկայությունը պահպանելու համար։ Ամերիկյան իշխանությունների տվյալներով՝ հիմնադրամի հաշվին իրականացվում է «արտերկրում ԻՀՊԿ-ի ռազմական արկածախնդրություններին աջակցություն»։ ԱՄՆ-ն նախկինում պատժամիջոցներ է սահմանել նշված հիմնադրամի նկատմամբ՝ զանգվածային ոչնչացման զենքի չտարածման և ահաբեկչության դեմ պայքարի վերահսկման միջոցառումների շրջանակներում։
Պատժամիջոցների ցուցակում հայտնվելը նշանակում է ԱՄՆ-ում ակտիվների սառեցում և արգելք ամերիկյան քաղաքացիների կամ ընկերությունների համար՝ բիզնես վարել ներառված անձանց հետ։
«ԱՄՆ-ն շարունակում է աջակցել Իրանի ժողովրդին՝ մարդու իրավունքների պահպանման և այլ հիմնարար ազատություններն հարգելու նրա պահանջների հարցում: <...> Մեր գործընկերների հետ միասին կշարունակենք պատասխանատվության ենթարկել իրանական ռեժիմին, քանի դեռ նա դիմում է բռնությունների, կեղծ դատավարությունների, ցուցարարների մահապատիժների և ռեպրեսիայի այլ միջոցների», - նշվել են մամլո հաղորդագրության մեջ ԱՄՆ ֆինանսների փոխնախարար Բրայան Նելսոնի խոսքերը։
Իրանում փողոցային բողոքի ցույցերը սկսվել են անցած սեպտեմբերի 16-ին 22-ամյա Մահսա Ամինիի հուղարկավորությունից հետո, ով մահացել էր բարքերի ոստիկանության կողմից գլխաշորը սխալ կրելու համար ձերբակալվելուց հետո: Հանրահավաքներն ու երթերը ընդգրկել էին մոտ 160 քաղաք, այդ թվում՝ էթնիկ ադրբեջանցիներով, արաբներով, բելուջներով և քրդերով բնակեցված գավառներում: Դրանց մասնակիցները պահանջում էին ժողովրդավարական փոփոխություններ, իշխանությունների բռնաճնշումների դատապարտում և ձերբակալվածների ազատ արձակում։