Մարդը զարմանալիորեն անտարբեր է վերաբերվում անվերադառնալի կորցրած իր կյանքի օրերին, սակայն նա զղջում է, երբ կորցնում է հարստությունը
17-08-2018 11:25

Հայտնի է Երևանի ավագանու խորհրդի ընտրությունների հավանական օրը

«Հայաստանի կենտրոնական ընտրական հանձնաժողովը (ԿԸՀ ) օգոստոսի 18-ին նիստ կհրավիրի և կնշանակի սեպտեմբերի 23-ը որպես Երևանի ավագանու խորհրդի ընտրությունների օր: Կուսակցությունների կողմից առաջադրումները կշարունակվեն մինչև օգոստոսի 29-ը: Հիշեցնենք, որ խորհրդի ընտրություններն ընթանում են կուսակցական ցուցակներով, իսկ գրանցման վերջին ժամկետը սեպտեմբերի 3-ն է», - գրում է «Հրապարակ» թերթը:
Նախընտրական արշավը կսկսվի գրանցումների ավարտից մեկ շաբաթ անց, այսինքն՝ սեպտեմբերի 10-ին և կշարունակվի 11-12 օր:
«Հիշեցնենք, որ ընտրությունների նախօրեն՝ սեպտեմբերի 22-ը հայտարարվում է լռության օր և քարոզչությունն արգելվում է: Այս քարոզչական մարաթոնի ընթացքում 10 քաղաքական կուսակցություն պետք է հասցնեն իրենց ծրագրերը ներկայացնել Երևանի բնակիչներին, ներկայացնեն ընտրական ցուցակները և, ամենակարևորը՝ հայտարարեն քաղաքպետի իրենց թեկնածուին», - գրում է թերթը։