Հայաստանն արդեն վաղուց սպառազինության մատակարարումների պայմանագրերի նման ծավալ և որակ չէր ունեցել, ինչպես այսօր։ Այս մասին նախօրեին ասել է պաշտպանության նախարարության մամլո խոսնակ Արծրուն Հովհաննիսյանը “Կենտրոն” հեռուստաալիքին տված հարցազրույցում։
“Սպառազինության մատակարարման գործընթացն նորմալ վիճակում է ։ Վերջերս Պաշտպանության նախարարության ղեկավարը և Երևանում, և Մոսկվայում ասել է, որ մեզ սպառազինության մատակարարումների հարցում անակնկալներ են սպասում։ Կարող եմ նաև ավելացնել, որ Հայաստանն արդեն վաղուց սպառազինության մատակարարման պայմանագրերի այսպիսի ծավալ և որակ չէր ունեցել, ինչպես հիմա” ասել է Հովհաննիսյանը։
Նա հավելել է, որ սպառազինության մատակարարման գործընթացն ընթանում է բնականոն հունով։
Ավելի վաղ հաղորդվել է, որ Մոսկվան և Երևանը Су-30СМ բազմաֆունկցիոնալ չորս կործանիչների գնման պայմանագիր են ստորագրել։ Հայաստանի զինված ուժերը պետք է ստանան դրանք արդեն 2020 թվականին։ Ընդ որում, տասնամյակների ընթացքում առաջին անգամ Հայաստանի ՌՕՈՒ–ը ձեռք են բերում նոր, այլ ոչ թե օգտագործած ավիատեխնիկա։
