ԱՄՆ նախագահ Դոնալդ Թրամփը հայտարարել է, որ Վլադիմիր Զելենսկին նախկինում խաղաղության ցանկություն չի ցուցաբերել, սակայն այժմ փոխել է իր դիրքորոշումը։ Այս մասին նա լրագրողներին ասել է Իռլանդիայի վարչապետ Մայքլ Մարտինի հետ հանդիպման ժամանակ։
Թրամփը նշել է, որ ԱՄՆ-ն արդեն մոտ է այս ուղղությամբ որոշակի քայլեր ձեռնարկելուն։
«Ինչպես գիտեք, ես միշտ ասել եմ, որ Ուկրաինան կարող է լինել ավելի բարդ կողմը»,- հավելել է ամերիկացի առաջնորդը։
Նա նաև հիշեցրել է Սպիտակ տանը տեղի ունեցած վերջին իրադարձությունները՝ անդրադառնալով Զելենսկու հետ լարված փոխանակմանը։
«Նա կարծես թե նախկինում խաղաղություն չէր ուզում, բայց հիմա ցանկանում է», - ասել է Թրամփը: