Թուրքիան կշարունակի կարևոր դեր խաղալ՝ որպես ուժեղ դաշնակից և ազդեցիկ խաղացող ինչպես տարածաշրջանային, այնպես էլ համաշխարհային մարտահրավերների լուծման գործում։ Այս մասին հայտարարել է Թուրքիայի նախագահի աշխատակազմին կից կապի բաժնի ղեկավար Ֆահրեթթին Ալթունը։ Նա ընդգծել է, որ երկիրը մշտապես հետևել է ճգնաժամերի և հակամարտությունների խաղաղ կարգավորման մոտեցումներին ինչպես տարածաշրջանային, այնպես էլ համաշխարհային մակարդակներում։
Ալթունը նշել է, որ Անկարայում Եթովպիայի և Սոմալիի միջև ստորագրված համաձայնագիրը Թուրքիայի դիվանագիտական ջանքերի թարմ օրինակ է և ցույց է տալիս նրա ազդեցությունը համաշխարհային քաղաքականության վրա։ Թուրքիան շարունակում է արդիական մնալ որպես գլոբալ խաղացող՝ ազդելով ոչ միայն Մերձավոր Արևելքի, Բալկանների, Կովկասի և Սևծովյան տարածաշրջանի, այլև Աֆրիկայի վրա։