Թուրքիան Ադրբեջանի հետ համատեղ աշխատանք է սկսում Անդրանատոլիական գազատարի (TANAP) թողունակության մեծացման ուղղությամբ՝ «Եվրոպայի էներգետիկ անվտանգությունն ապահովելու համար»։ Այս մասին, ըստ ՌԲԿ-ի, հայտարարել է Թուրքիայի նախագահ Ռեջեփ Թայիփ Էրդողանը։
Սեպտեմբերի սկզբին Ադրբեջանի նախագահ Իլհամ Ալիևը հայտարարել էր, որ TANAP-ի հզորությունը շուտով պետք է կրկնապատկվի՝ տարեկան 16-ից հասնելով 32 միլիարդ խորանարդ մետրի:
TANAP-ը Ռուսաստանը շրջանցող գազատար է, որը Վրաստանով և Թուրքիայով անցնում է Հունաստան, որտեղից գազը Տրանսադրիատիկ գազատարով գնում է դեպի Արևմտյան Եվրոպա։