Թուրքիան ձգտում է Հայաստանի տարածքով դեպի Կենտրոնական Ասիա տրանսպորտային միջանցք կառուցել, ասել է քաղաքական գիտությունների դոկտոր, МГИМО-ի Միջազգային հետազոտությունների ինստիտուտի գլխավոր գիտաշխատող Անդրեյ Կազանցևը։
RTVi-ին տված հարցազրույցում նա նշել է, որ Ռեջեփ Թայիփ Էրդողանը կշարունակի փորձել ուժեղացնել Թուրքիայի ազդեցությունը ԱՊՀ-ում, ընդ որում առկա են ակնհայտ աշխարհաքաղաքական, աշխարհատնտեսական և ռազմական շահեր։
«Եվ, ամենակարևորը, Թուրքիային անհրաժեշտ են էներգիայի նոր աղբյուրներ, որոնք նա կարող է ստանալ Կենտրոնական Ասիայում: Կարող է հետաքրքիր հեռանկարային կապ լինել մինչ այդ ընթացող հայկական սյուժեի հետ: Քանի որ Թուրքիային և Ադրբեջանին անհրաժեշտ են նոր տրանսպորտային միջանցքներ, այն Հայաստանով է անցնում, այսպես նրանք ուղիղ ճանապարհ կբացեն Թուրքիայի և Կենտրոնական Ասիայի միջև»,- նշել է փորձագետը։
Կազանցևի խոսքով՝ այս ուղղությունն այժմ շատ հռանկարային է, քանի որ Կենտրոնական Ասիայի երկրները նույնպես փորձում են դիվերսիֆիկացնել իրենց մատակարարումները, որովհետև այժմ Ռուսաստանի տարածքով մատակարարումների հետ կապված խնդիրներ կան։