Լեռնային Ղարաբաղի հակամարտության կարգավորումը կախված է Հայաստանի և Ադրբեջանի նախագահների քաղաքական կամքից, այլ ոչ ինչ-որ համաձայագրերից և դաշինքներից:
Այդ մասին ադրբեջանական Trend գործակալությանն ասել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը՝ խոսելով Լեռնային Ղարաբաղի հակամարտության վրա Հայաստանի՝ Եվրասիական տնտեսական միությանն անդամակցության հնարավոր ազդեցության մասին։
Համանախագահն ասել է, որ Հայաստանի կառավարությունն այդ մասին արդեն որոշում է կայացրել, և ինքը հարգում է այն:
«Լեռնային Ղարաբաղի հակամարտության կարգավորումը կախված է նախագահների քաղաքական կամքից, այլ ոչ ինչ-որ համաձայնագրերից ու դաշինքներից: Հույս ունենք, որ նախագահները, ուշադրության արժանացնելով վերջին հանդիպումները, հակամարտությունը կարգավորելու պարտավորություն կստանձնեն»,-ասել է Ուորլիքը:
Համանախագահի խոսքով՝ ղարաբաղա-ադրբեջանական հակամարտ զորքերի շփման գծում ամռանը տեղի ունեցած իրադարձություններից հետո իրավիճակը կայունացել է, բայց լարվածությունը շարունակվում է:
Բավ է պառակտվել