Մարդը զարմանալիորեն անտարբեր է վերաբերվում անվերադառնալի կորցրած իր կյանքի օրերին, սակայն նա զղջում է, երբ կորցնում է հարստությունը
04-07-2018 22:01

Ո՞ւր են կորել 1200 տեսախցիկները նախորդ ԱԺ ընտրություններից հետո

2017 թվականի խորհրդարանական ընտրությունների ժամանակ բոլոր ընտրական տեղամասերում եղած տեսախցիկները ոչ մի տեղ չեն կորել, դրանք կառավարության բալանսում են: Այս մասին, այսօր՝ հուլիսի 4-ին, Ընտրական օրենսգրքի շուրջ ձեւավորված ԱԺ աշխատանքային խմբի առաջին նիստի ժամանակ նշեց ՀՀԿ ներկայացուցիչ Դավիթ Հարությունյանը:

«Ելք» խմբակցության պատգամավոր Լենա Նազարյանը նշեց, որ այդ տեսախցիկները ԿԸՀ-ում չեն, այդ դեպքում որտեղ են, ինչին Դավիթ Հարությունյանը պատասխանեց, որ դրանք երբեք էլ ԿԸՀ-ում չեն եղել. «Այդ 1200 տեսախցիկները ոչ ոք տուն չի տարել: Դրանք եղել են կառավարության բալանսում եւ կառավարությունն իր որոշումով տվել է տարբեր մարմինների: Հիմա կամ թող նորը գնի, կամ հետ հավաքի: Օրինակ տվել է ՔԿՎ-ին»:

Պաշտպանության նախկին նախարար Վիգեն Սարգսյանն էլ նշեց. «Խորհուրդ չեմ տալիս ՊՆ-ից հետ հավաքել, ավելի լավ է նորը գնել: Քանի որ դրանք մեր բալանսում էին ու շատ արագ զարգանում է տեխնիկան, եւ հաջորդ ընտրությունների ժամանակ 5 տարի հետո դրանք կարող էին հին լինել, կառավարությունը որոշել է բաց որոշմամբ բաշխել դրանք ըստ պետական մարմինների»: