Բավ է պառակտվել
13-01-2016 12:22

ԱՄՆ-ն աշխարհի ամենահզոր երկիրն է և վերջ

«Պետության դրության մասին» իր հրաժեշտի ուղերձում նախագահ Բարաք Օբաման կոչ է արել Կոնգրեսին թույլատրել ռազմական ուժի կիրառումը«Իսլամական պետություն» ահաբեկչական կազմակերպության դեմ և եւ չեղյալ հայտարարել առևտրի էմբարգոն Կուբայի դեմ: Միևնույն ժամանակ, նա վստահեցրեց, որ Միացյալ Նահանգների թուլացման մասին ենթադրությունները անհիմն են` ըստ պարոն Օբամայի, աշխարհում առաջվա պես սպասում են, որ գլխավոր դերը խաղալու է Վաշինգտոնը, այլ ոչ թե Մոսկվան կամ Պեկինը: Ավանդական դարձած ամենամյա «Պետության դրության մասին» ելույթը որով ԱՄՆ նախագահը ելույթ է ունենում Կոնգրեսի երկու պալատների առջև նոյեմբերին կայանալիք առաջիկա ընդհանուր ընտրություններից առաջ Բարաք Օբամայի վերջին ելույթն էր: Ընտրողների հետաքրքրությունը մեծացնելու համար նախագահի ելույթը հեռարձակվել է ոչ միայն հեռուստատեսության և Սպիտակ տան ինտերնետային կայքի ուղիղ եթերով, այլ նաև ակտիվորեն տարածվել է սոցիալական ցանցերում: Ելույթի զգալի մասը նվիրված էր տնտեսությանը. ամերիկյան նախագահը հիշեցրել է գործազրկության թվի նվազեցման մասին, նախանշել ազգային տնտեսական հեռանկարները ևԿոնգրեսին կոչ է արել վավերացնել Տրանս-Խաղաղօվկիանոսյան գործընկերության ստեղծման համաձայնագիրը: Ընդհանուր առմամբ, ելույթը կենտրոնացած էր չորս հիմնական թեմաների շուրջ. տնտեսական հեռանկարներ, նորարարություններ և կայուն զարգացում, ԱՄՆ-ի ղեկավարությունը աշխարհում և «հույսի քաղաքականություն», որի վերջնական մասում, նախագահ Բարաք Օբաման փորձել է պատասխանել այն հարցին. «թե ինչ պետք է անել, որպեսզի քաղաքականությունը արտացոլի լավագույնը, այլ ոչ թե վատագույնը»: Ստորև ներկայացված են Միացյալ Նահանգների 44-րդ նախագահի «Պետության դրության մասին» վերջին ելույթի առավել հետաքրքիր մեջբերումները:

«Իսլամական պետության» դեմ պայքարի մասին 

«Եթե այս գումարման Կոնգրեսը այս պատերազմում (ահաբեկչության դեմ) հաղթելու լուրջ նպատակ ունի և ցանկանում է ազդանշան ուղարկել մեր զորքերին ամբողջ աշխարհով մեկ, ապա պետք է, ի վերջո, թույլ տալ օգտագործել զինված ուժերն «իսլամական պետության» դեմ պայքարում: Նրանք (ԻՊ ահաբեկիչները) չեն սպառնում մեր պետության գոյությանը սա մի միֆ է, որին ԻՊ-ն ցանկանում է, որպեսզի հավատան: Սա այն քարոզչությունն է , որով նրանք լրացնում են իրենց շարքերը: Մենք կարիք չունենք կենտրոնանալու նրանց վրա, որպեսզի ցույց տանք մեր մտադրությունների լրջություն. կարիք չկա հաշվի առնել տարածված խոսակցությունները իբր ԻՊ-ն համաշխարհային կրոնների հիմնական ներկայացուցիչներից մեկն է և վանել այս պայքարում մեր կենսական դաշնակիցներին: Պարզապես պետք է ասել, թե ով են իրենք իրականում` մարդասպաններ ու ֆանատիկոսներ, ովքեր ենթակա են ավերվելու և վերացման»:

Համաշխարհային առաջնորդության մասին
«ԱՄՆ-ն աշխարհի ամենահզոր երկիրն է և վերջ: Մենք ծախսում ենք մեր զինված ուժերի վրա առավել,քան հաջորդ ութ երկրները միասին: Մեր բանակը կազմված է համաշխարհային պատմության մեջ լավագույն զորքերից: Ոչ մի երկիր չի համարձակվի հարձակվել մեր կամ մեր դաշնակիցների վրա, քանի որ նա գիտի, որ դա կարող է հանգեցնել սեփական երկրի կործանմանը: Ուսումնասիրությունները ցույց են տալիս, որ մեր հեղինակությունը աշխարհում ավելի բարձր է, քան այն ժամանակ, երբ ես ընտրվեցի որպես նախագահ: Իսկ երբ խոսքը վերաբերում է որևէ լուրջ միջազգային հարցի, աշխարհի ժողովուրդները չեն ակնկալում, որ առաջատար դեր կխաղա Պեկինը կամ Մոսկվան, նրանք մեզ են դիմում»: «Մենք չենք կարող միջամտել և վերակազմավորել ճգնաժամաային իրավիճակում հայտնված ամեն մի երկիր: Դա ղեկավարություն չէ. դա մեզ դեպի ճահիճ է քաշում և թուլացնում է մեր դիրքերը, եթե մենք թույլ ենք տալիս, որպեսզի թափվի ամերիկյան արյունը և ծախսվեն գումարները: Սա մի դաս է, որ մենք քաղել ենք Վիետնամում և Իրաքում և մենք պետք է սովորենք այն»:
Ռուսաստանի մասին
«Չնայած այն հանգամանքին, որ նրա տնտեսությունը կրճատվում է, Ռուսաստանը ուղղում է ռեսուրսները Ուկրաինային և Սիրիային աջակցելու` երկրների, որոնք իրենց աջքի առջև սահում են իրենց ազդեցության գոտուց»:
Ուկրաինայի մասին
«Առաջնորդությունը նշանակում է ռազմական ուժի իմաստուն օգտագործումը և աշխարհի միասնությունը ճիշտ նպատակների շուրջ: Դա նշանակում է, որ մեր արտաքին օգնությունը պետք է դիտարկել որպես մեր ազգային անվտանգության տարր, և ոչ թե որպես բարեգործություն ... Երբ մենք օգնում Ուկրաինային պաշտպանել իրենց ժողովրդավարությունը, կամ օգնում ենք Կոլումբիային լուծել տասնամյակներ շարունակ ընթացող պատերազմի խնդիրը, դա ամրացնում է միջազգային կարգը, որից մենք անմիջական կախում ունենք»:
Կուբայի հետ հարաբերությունների մասին
«Կուբայի 50 տարվա մեկուսացումը չի խթանել ժողովրդավարությունը, թուլացելով մեր դիրքերը Լատինական Ամերիկայում: Ահա թե ինչու ենք մենք վերականգնվել դիվանագիտական հարաբերությունները, բացել առևտրի և ճանապարհորդության դռները և ընդունել այնպիսի դիրքորոշում, որի նպատակն է բարելավել Կուբայի ժողովրդի կյանքը: Եթե ցանկանում եք ամրապնդել(ԱՄՆ) վստահությունն ու առաջնորդությունը (Արևմտյան) կիսագնդում խոստովանեք, որ սառը պատերազմն ավարտվել է: Հանեք էմբարգոն»:
Քաղցկեղի դեմ պայքարի մասին
«Այսօր ես ուզում եմ հայտարարել նոր ազգային նախաձեռնության մասին: Հանուն սիրելիների մարդկանց, որոնց մենք երբևէ կորցրել ենք հանուն ընտանիքի, որ մենք դեռ կարող ենք պահպանել, եկեք Ամերիկան դարձնենք այն երկիրը, որն առհավետ կբուժի քաղցկեղը»:
Տնտեսության մասին
«Ամերիկյան տնտեսության անկման մասին ցանկացած խոսք, քաղաքական պատճառներով պայմանավորված դատարկաբանություն է, ինչպես նաև ցանկացած հռետորաբանություն այն մասին, որ մեր թշնամիներն ամրապնդում են իրենց դիրքերը, իսկ Ամերիկան թուլանում է»:
Լուսնի վրա վայրէջքի մասին
«60 տարի առաջ, երբ ռուսները տիեզերքում առաջ ընկան մեզանից, մենք չհերքեցինք այն փաստը, որ արբանյակային այնտեղ է եղել: Մենք գիտական բանավեճեր չենք ձեռնարկել և ոչ էլ կրճատել ենք մեր հետազոտությունների և զարգացման համար նախատեսված բյուջեն: , Մենք միանգամից մշակեցինք տիեզերական ծրագիր և 12 տարի անց, մենք վայրէջք կատարեցինք լուսնի վրա: Դա բացահայտողի ոգին էր մեր ԴՆԹ -ում»: