ՀՀ կառավարության նիստում հանրապետության երկու՝ Արարատի և Արագածոտնի մարզերի նոր մարզպետներ են նշանակվել։
Արարատի մարզ
Գործադիր իշխանության որոշմամբ Արարատի մարզպետարանի նոր ղեկավար է դարձել Սեդրակ Թևոնյանը՝ նախկին մարզպետ Ռազմիկ Թևոնյանի որդին։
Ռազմիկ Թևոնյանը մարզպետ էր նշանակվել 2020 թվականի դեկտեմբերի 10-ին։ 2021 թվականի սեպտեմբերի 9-ին նա հրաժարական է տվել, որոշման պատճառները չեն հաղորդվում։
Սեդրակ Թևոնյանը 2019-2021 թվականներին եղել է իշխող «Քաղաքացիական պայմանագիր» խմբակցության պատգամավոր։ 2021 թվականի հունիսի 20-ին նա վերընտրվել է պատգամավորի պաշտոնում, սակայն հունվարի 4-ին մանդատից հրաժարվելու մասին դիմում է ներկայացրել։
Արագածոտնի մարզ
Կառավարության որոշմամբ Արագածոտնի մարզպետի պաշտոնը կտանձնի նախկին պատգամավոր Սերգեյ Մովսիսյանը։
Նա փոխարինել է Ռազմիկ Պետրոսյանին, ով մարզպետ էր նշանակվել 2021 թվականի հոկտեմբերի 28-ին։
Մովսիսյանը նախկինում եղել է իշխող «Քաղաքացիական պայմանագիր» խմբակցության պատգամավոր, սակայն հունվարի 4-ին մանդատից հրաժարվելու մասին հայտարարություն է ներկայացրել։ Այն ժամանակ լրատվամիջոցները գրում էին, որ այս որոշումը նա կայացրել է մարզպետի պաշտոնը զբաղեցնելու նպատակով։