Բելառուսի Բրեստի մարզում ընթանում է Մոսկվայի և Կիևի պատվիրակությունների բանակցությունների երրորդ փուլը, հաղորդում է Մինսկում ՌԴ դեսպանությունը։
Ռուսական պատվիրակության կազմը չի փոխվել. այն գլխավորում է նախագահի օգնական Վլադիմիր Մեդինսկին, ժամանել են նաև փոխարտգործնախարար Անդրեյ Ռուդենկոն, պաշտպանության փոխնախարար Ալեքսանդր Ֆոմինը, Բելառուսում ՌԴ դեսպան Բորիս Գրիզլովը և Դումայի միջազգային հարաբերությունների հանձնաժողովի ղեկավար Լեոնիդ Սլուցկին։ .
Ուկրաինայից ներկա են նախագահական գրասենյակի ղեկավարի խորհրդական Միխայիլ Պոդոլյակը, Գերագույն ռադայում «Ժողովրդի ծառա» խմբակցության ղեկավար Դավիթ Արախամիան, պաշտպանության նախարար Ալեքսի Ռեզնիկովը և այլ քաղաքական գործիչներ։
Բանակցությունների առաջին փուլը կայացել է փետրվարի 28-ին Բելառուսի Գոմելի շրջանում, որից հետո պատվիրակությունները վերադարձել են մայրաքաղաքներ՝ քննարկելու հանդիպման արդյունքները։ Մարտի 3-ին կայացած երկրորդ բանակցությունների ժամանակ կողմերը պայմանավորվել են ստեղծել հումանիտար միջանցքներ։
Հատուկ ռազմական գործողություն Ուկրաինայում
Փետրվարի 21-ին Վլադիմիր Պուտինն, ի պատասխան Դոնբասի հանրապետությունների խնդրանքներին և Պետդումայի պատգամավորների դիմումից հետո, ստորագրեց հրամանագրեր, ճանաչելով ԴԺՀ-ի և ԼԺՀ-ի ինքնիշխանությունը: Փետրվարի 24-ի վաղ առավոտյան Ռուսաստանը ռազմական հատուկ գործողություն սկսեց Ուկրաինայի ապառազմականացման նպատակով։ Պուտինի խոսքով, անհրաժեշտ է նաև իրականացնել Ուկրաինայի ապաազգայնականացում, պատասխանատվության ենթարկել բոլոր ռազմական հանցագործներին, ովքեր պատասխանատու են Դոնբասում «քաղաքացիների դեմ արյունալի հանցագործությունների համար»։
Ըստ ՊՆ-ի՝ զինված ուժերը հարվածներ են հասցնում միայն ռազմական ենթակառուցվածքին և ուկրաինական զորքերին, խաղաղ բնակչությանը ոչինչ չի սպառնում։ Ռուսական բանակի աջակցությամբ ԴժՀ և ԼԺՀ-ի խմբավորումները հարձակողական գործողություններ են զարգացնում, երկու կողմից կան կորուստներ։