Հայաստանի արտգործնախարար Արարատ Միրզոյանը չափազանցություն է համարում Երևանի և Մոսկվայի հարաբերություններում ճգնաժամի մասին խոսելը։
«Մեր երկրներն ունեն դաշնակցային հարաբերություններ, երկկողմ և բազմակողմ ընդարձակ օրակարգ, բազմաթիվ պայմանավորվածություններ, կան տարաձայնություններ որոշ հարցերի շուրջ, այդ թվում՝ հրապարակային, այդ թվում՝ կապված ՀԱՊԿ-ի դերի և քաղաքական գնահատականների կամ դրանց բացակայության հետ. դրանք ճգնաժամ։ անվանելը չափազանցություն կլինի»,- չորեքշաբթի ճեպազրույցում ասել է Միրզոյանը։
Նախարարն ընդգծել է, որ հայկական կողմը մշտապես կապի մեջ է ռուս գործընկերների հետ։ «Մենք քննարկում ենք բազմաոլորտային օրակարգի բոլոր հնարավոր հարցերը, բոլոր այն հարցերը, որոնց շուրջ կա համաձայնություն, և բոլոր այն հարցերը, որոնց շուրջ դեռ համաձայնություն չկա»,- եզրափակել է նա։