Տարածաշրջանային հաղորդակցությունների ապաշրջափակման հանձնաժողովի աշխատանքային խմբի շրջանակներում Հայաստանի, Ռուսաստանի և Ադրբեջանի փոխվարչապետների հանդիպումը տեղի կունենա մայիսին, հաղորդել է Հանրային հեռուստաընկերության «Լուրեր» հաղորդումը։
«Հայաստանի, Ռուսաստանի և Ադրբեջանի փոխվարչապետների համանախագահությամբ գործող տարածաշրջանային հաղորդակցությունների ապաշրջափակման հարցերով եռակողմ աշխատանքային խմբի նիստը, նախնական պայմանավորվածությամբ, կկայանա ընթացիկ ամսին»,- տեղեկացրել են փոխվարչապետ, հանձնաժողովի համանախագահ Մհեր Գրիգորյանի գրասենյակից։
Փոխվարչապետի գրասենյակից նշել են, որ հանդիպման հստակ ժամկետը համաձայնեցման փուլում է։
