Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը մտահոգություն է հայտնել վերջին օրերին Հայաստանի և Ադրբեջանի միջև հարաբերությունների համատեքստում աճող լարվածության մասին լուրերի առնչությամբ։
«ԵՄ-ն հանձնառու է խորացնել իր ներգրավվածությունը խաղաղ գործընթացում․ մենք ներգրավված ենք մի քանի մակարդակներում. Կարևոր է թուլացնել լարվածությունը և օգտվել տասնամյակների վեճերի էջը շրջելու պատմական հնարավորությունից»,-գրել է նա Twitter-ի իր միկրոբլոգում։