Բավ է պառակտվել
25-11-2020 21:57

Ֆրանսիայի ԱԳՆ-ն հայտարարել է, որ Ղարաբաղի անկախության ճանաչումը օգուտ չի բերի ոչ մեկին

Ֆրանսիայի կողմից ԼՂՀ ճանաչումն օգուտ չի բերի ոչ մեկին, հայտարարել է ԱԳՆ-ին կից պետքարտուղար Ժան-Բատիստ Լեմուանը։

“Ֆրանսիայի կողմից Լեռնային Ղարաբաղի միակողմանի ճանաչումը ոչ մի օգուտ չի բերի ո՛չ Հայաստանին, ոչ Ղարաբաղի բնակչությանը, ոչ ԵԱՀԿ Մինսկի խմբի մյուս համանախագահներին, ոչ Եվրոպային”,- ասել է նա։ 

Ավելի վաղ Ֆրանսիայի Սենատը բացարձակ մեծամասնությամբ ճանաչեց բանաձևը, որը կոչ է անում երկրի կառավարությանը ճանաչել Լեռնային Ղարաբաղը։

Լեմուանի խոսքով, այս քայլը չի արտացոլի ֆրանսիական կառավարության, Երևանի և Փարիզի մյուս գործընկերների քաղաքականությունը։

"Լեռնային Ղարաբաղում հակամարտության լուծումը չի կատարվում միակողմանի գործողություններով, այլ կախված է կողմերի երկխոսությունից։ Եվ այսօր, առավել քան երբեք, կողմերը (ԵԱՀԿ ՄԽ․խմբ) համանախագահների օժանդակության կարիքն ունեն այդ երկխոսությունը շարունաելու համար”,- ընդգծել է նա։

Ինչպես նշել է Լեմուանը, միջազգային հանրությունն, այդ թվում՝ Հայաստանը, չեն ճանաչել Լեռնային Ղարաբաղի անկախությունը։ “Կառավարության (Ֆրանսիայի․խմբ) պատասխանատվությունը կայանում է նրանում, որ հարց տա․արդյո՞ք այս ժեստը օգտակար և արդյունավետ կլինի։ Արդյո՞ք այն կհանգեցնի որևէ հետևանքների տեղում և Լեռնային Ղարաբաղի բնակչության համար”,- հավելել է նա։

ԱԳՆ-ին կից պետքարտուղարն ընդգծել է, որ եԱՀԿ Մինսկի խմբի շրջանակներում Փարիզը կարող է մասնակցել հակամարտության կարգավորմանը, եթե նրա միջնորդությունն ընդունվի և Հայաստանի և Ադրբեջանի կողմից։ Լեմուանի կարծիքով, Ղարաբաղի անկախության ճանաչումը կհանգեցնի իրավիճակի վրա “ազդեցության բոլոր հնարավորությունների՛ կորստին և կսառեցնի խաղաղ գործընթացը։

Վաղը Ժնևում, իսկ երկուշաբթի օրը՝ Մոսկվայում կանցկացվեն Ղարաբաղի շուրջ բանակցություններ
Ֆրանսիայի Սենատը այսօր կքննարկի Արցախի անկախությունը ճանաչելու բանաձևը
Ֆրանսիայի Սենատը կքննարկի Լեռնային Ղարաբաղի անկախությունը ճանաչելու բանաձևը
ԱՀ ԱԳՆ հայտարարությունը՝ Արցախի Հանրապետության անկախությունը ճանաչելու վերաբերյալ
Ֆրանսիան կխաղա իր դերը․ Մակրոնը՝ Հայաստանին և հայերին