Բավ է պառակտվել
01-06-2022 12:56

ՀՀ պաշտպանության նախարարությունը հերքել է Հայաստանի հարավում ադրբեջանական զինուժի առաջղաղացման մասին տեղեկությունները

Հայաստանի պաշտպանության նախարարությունը տեղեկացնում է, որ լրատվամիջոցներում և սոցիալական ցանցերում տարածվող տեղեկությունը, թե «ադրբեջանական ստորաբաժանումները կրկին առաջ են եկել ՀՀ Սյունիքի մարզի Ներքին Հանդ գյուղի դիմաց գտնվող լեռնային տեղանքում», չի համապատասխանում իրականությանը։

«Ինչպես արդեն ներկայացվել է ս.թ. մարտի 21-ին ՀՀ ՊՆ կողմից տարածված պարզաբանման մեջ, սահմանի նշված հատվածում ադրբեջանական ստորաբաժանումների տեղակայումն արձանագրվել է 2020թ. նոյեմբերի 9-ից հետո, հետպատերազմյան շրջանում»,- ասվում է հաղորդագրությունում։
։
Ընդ որում, նշել եմ ՊՆ-ում, տեղակայման փաստն արձանագրելուց անմիջապես հետո ՀՀ ԶՈՒ կողմից ձեռնարկվել են անհրաժեշտ քայլեր՝ ադրբեջանական դիրքերը վերահսկողության տակ վերցնելու ուղղությամբ, ինչի արդյունքում նշված տարածքում ադրբեջանական զինծառայողների շարժը լիարժեք վերահսկելի է, իսկ առաջխաղացման որևէ փորձ կհանգեցնի պատասխան գործողությունների։

«Պաշտպանության նախարարությունը կրկին կոչ է անում զերծ մնալ բանակի հեղինակությանը հարվածող, ինչպես նաև հանրության շրջանում անհիմն լարվածություններ առաջացնող՝ իրականությանը չհամապատասխանող տեղեկություններ տարածելուց»։

Հայաստանի ՊՆ-ն հերքել է Ադրբեջանի կողմից հայ զինվորների նոր գերեվարման մասին լուրերը
Հայաստանի ՊՆ-ն հայտնում է Սյունիքում և Գեղարքունիքում իրավիճակի լիակատար վերահսկոության մասին
Ադրբեջանի զինված ուժերը գտնվում են Սյունիքում։ Հայկական կողմը խստորեն պահանջել է դուրս բերել զորքերը․ Հայաստանի ՊՆ
ՀՀ –ում կորոնավիրուսով վարակվածների թիվը 1339
Հայաստանը հերքում է ադրբեջանական դիրքերի գնդակոծության մասին ապատեղեկատվությունը