Հունիսի 8-ից 9-ը Թեհրանում տեղի ունեցավ Հայաստանի և Իրանի արտաքին գործերի նախարարությունների հյուպատոսական վարչությունների միջև խորհրդատվությունների տասներորդ նիստը: Հայկական պատվիրակությունը ղեկավարում էր Հայաստանի ԱԳՆ հյուպատոսական վարչության պետ Վլադիմիր Կարմիրշալյանը, իրանականը՝ Իրանի ԱԳՆ հյուպատոսական գլխավոր վարչության պետ Ալի Չեգինին: Երկօրյա բանակցությունների ընթացքում պատվիրակությունները քննարկեցին Հայաստանի և Իրանի միջև երկկողմ հետաքրքրություն ներկայացնող հարցերի լայն շրջանակ, գոհունակություն հայտնեցին նախորդ հյուպատոսական խորհրդատվությունների անցկացման արդյունքում երկու երկրների միջև հյուպատոսական, դատական, կրթական, իրավապահ, սահմանային և տրանսպորտային ոլորտներում համագործակցության զարգացման և ընդլայնմանն ուղղված քայլերի կապակցությամբ: Վլադիմիր Կարմիրշալյանը հանդիպում ունեցավ նաև Իրանի ԱԳՆ մեջլիսի և հյուպատոսական հարցերով տեղակալ Հասան Ղաշղավիի հետ: Բանակցությունների ավարտին պատվիրակությունների ղեկավարները ստորագրեցին Փոխըմբռնման հուշագիր: