Բա՛վ է պառակտվել
11-10-2019 17:17

Վարչապետի կոշտ պատասխանը Ալիևին

ՀՀ վարչապետ Նիկոլ Փաշինյանն Աշխաբադում՝ ԱՊՀ անդամ-պետությունների ղեկավարների նիստի ժամանակ, արձագանքել է Ադրբեջանի նախագահ Իլհամ Ալիևի ելույթին: Ալիևը հիշատակել էր հայ ռազմա-քաղաքական գործիչ Գարեգին Նժդեհի անունը:
Փաշինյանն ընդգծել է, որ Ալիևի ելույթում պատմական իրադարձությունների սուբյեկտիվ մեկնաբանման փորձ կա:
«Իլհամ Հեյդարովիչի ելույթից տպավորություն է ստեղծվում, թե Հիտլերը երկրորդական դեր է խաղացել, և նացիստական շարժման առաջնորդը եղել է Գարեգին Նժդեհը: Իսկ իրականությունն այն է, որ Գարեգին Նժդեհը պայքարել է Հայաստանի թուրքական օկուպացման դեմ, Հայոց ցեղասպանության դեմ, և իրականությունն այն է, որ հայ-թուրքական պատերազմի ժամանակ Գարեգին Նժդոհը բազմաթիվ ռուս սպաների հետ ռազմաճակատի շատ կարևոր հատված էր ղեկավարում: Ես ցանկանում եմ ևս մեկ անգամ ընդգծել՝ կարևոր է, որ մենք պատմության օբյեկտիվ գնահատականն ունենանք: Գարեգին Նժդեհը մահացել է Վլադիմիրի բանտում: Խորհրդային շատ գործիչներ են մահացել այդ բանտում, Սոլժենիցինը Գուլագում էր: Մենք կարծում ենք, որ նրանք, ովքեր դատապարտվել են 37-50-ական թվականներին, բոլորն ազգի թշնամի՞ են: Եթե այդպես է, ապա բազմաթիվ ականավոր գործիչներ դատապարտված են եղել և իրենց կյանքն ավարտել են բանտում: Բայց դա չի նշանակում, որ մենք այդ ամենը պետք է իբրև փաստ ընդունենք»,- ասել է նա:
ՀՀ վարչապետը նշել է, որ տեղին չէ, պատշաճ չէ այս ձևաչափն օգտագործել՝ պատմությունը խեղաթյուրելու և կարևոր նիստի միջավայրում լարվածություն մտցնելու համար: Նա նաև հավելել է, որ Հայաստանում հատուկ ուշադրություն է հատկացվում պատերազմի վետերաններին, և բոլորովին վերջերս կառավարությունն ավելացրել է նրանց հատկացվող նպաստի չափը:
ԱՊՀ պետությունների ղեկավարների՝ Թուրքմենստանում կայացած հանդիպման ժամանակ Ադրբեջանի նախագահ Իլհամ Ալիևը դժգոհել է, որ Երևանում տեղադրվել է Գարեգին Նժդեհի արձանը։ Նա դժգոհել է, թե հետխորհրդային տարածքում տեղադրվում են ֆաշիստներին հերոսացնող կոթողներ։

 

Արմինե Գևորգյան

Վանդալիզմ ռուսական Արմավիրում. Գարեգին Նժդեհի հուշատախտակը ներկել են
Զինված ուժերը երբեք տեղում չեն դոփել․ Դավիթ Տոնոյանի պատասխանը վարչապետին
Հայաստանի ԱԳՆ ղեկավարը մեկնաբանել է Ալիևի հետ Փաշինյանի հանդիպման հնարավորությունը
Սպան այդպիսի բան անի՞, դա գիտեք ի՞նչ է, դա նշանակում է ուսադիրները գցել աղբամանը»․Վարչապետ
Փաշինյանն ացելել է Մխիթարյան միաբանություն և ծանոթացել ջրհեղեղի հետևանքների հետ (տեսանյութ)