Եվրախորհրդարանի ֆրանսիացի պատգամավոր, Եվրոպական հարցերով նախկին նախարար Նատալի Լոիզոն իր աջակցությունն է հայտնել Հայաստան ավելի մեծ առաքելություն ուղարկելու ԵՄ որոշմանը։
«Ֆրանսիան հայտարարել է, որ առաքելությանը կտրամադրի ութ ժանդարմ, առաքելությունը կգործի փետրվարի 20-ից, և այդ օրը ես կլինեմ Հայաստանում: Ես ողջունում եմ առաքելությանը Հայաստանի աջակցությունը և համագործակցությունը, որի անդամները կլինեն մեր աչքերը և ականջները տեղում, և որոնց ներկայությունը կզսպի նոր հարձակումները»,- ասել է Լոիզոն CivilNet-ին, հույս հայտնելով, որ Ադրբեջանը բարեխղճորեն բարեխղճորեն կհամագործակցի առաքելության հետ։
Ավելի վաղ հաղորդվել էր, որ ԵՄ նոր առաքելության աշխատանքը, որը վերահսկելու է իրավիճակը հայ-ադրբեջանական սահմանին, կտևի երկու տարի։
«Ես հուսով եմ, որ Ադրբեջանի և Հայաստանի միջև տեւական խաղաղություն կարող է ձեռք բերվել երկու տարուց էլ պակաս ժամանակում: Եկեք գործադրենք բոլոր ջանքերը այս ուղղությամբ շարժվելու համար», - ասել է Լոիզոն: Նա հավելել է, որ ԵՄ առաքելությունը Հայաստան կժամանի վստահություն, կայունություն և անվտանգություն ձևավորելու համար և, հետևաբար, բաց կլինի բոլոր շահագրգիռ կողմերի հետ բարի կամքի ոգով բանակցելու համար: