բավ է պառակտվել
21-11-2020 18:24

Կոչ եմ անում հայ ժողովրդին համախմբվել, և չնսեմացնել բազում արժանավոր մարդկանց վաստակը. Անդրանիկ Փիլոյան

ԱԻ նախարարի պաշտոնը ստանձնել եմ մեր երկրի համար այս բարդ և օրհասական պահին՝ ելնելով բացառապես հայրենիքին ծառայելու և այն հզորացնելու մղումից։ Իհարկե, տասնյակ անգամ հեշտ է այս ծանրագույն բեռը թոթափել ուսերից, սակայն, եթե յուրաքանչյուրն առաջնորդվի պատասխանատվությունից խուսափելու սկզբունքով, ապա բոլորիս սիրելի հայրենիքն ի վերջո կհայտնվի կործանման եզրին։

Լինելով սպա, ով առաջին իսկ օրվանից կանգնած է եղել բանակաշինության ակունքներում, ինձ վստահված պաշտոններում արել եմ առավելագույնը՝ հզորացնելու և զարգացնելու մեր զինված ուժերը։ Երբեք չեմ հարել որևէ քաղաքական ուժի և չեմ առաջնորդվել քաղաքական շահերով։ Այժմ էլ հայրենիքի շահն ինձ համար բացարձակ արժեք է։

Կոչ եմ անում հայ ժողովրդին համախմբվել՝ անկախ քաղաքական կողմնորոշումից, և չնսեմացնել բազում արժանավոր մարդկանց վաստակը։

Անդրանիկ Փիլոյանը նշանակվել է ՀՀ արտակարգ իրավիճակների նախարար
Ֆելիքս Ցոլակյանն ԱԻ նախարարի պաշտոնից ազատման դիմում է գրել
«Մենք երկիր ենք կորցնում». Գ.Ծառուկյանի համախմբման կոչը քաղաքական առողջ ուժերին (տեսանյութ)
«Ադրբեջանում Նիկոլ Փաշինյանը դարձել է ջոնի-բրջոնին» Նաիրա Զոհրաբյան (տեսանյութ)
Պարգևավճարների ավանդույթը շարունակվում է