Ռուսաստանի Դաշնության ԱԳՆ պաշտոնական ներկայացուցիչ Մարիա Զախարովան չորեքշաբթի ասուլիսի ժամանակ չի բացառել փետրվարի 16-17-ին կայանալիք Մյունխենի անվտանգության համաժողովի հարթակում Հայաստանի արտգործնախարար Զոհրաբ Մնացականյանի և նրա ռուսաստանցի գործընկեր Սերգեյ Լավրովի հանդիպումը:
“Մենք չենք հայտարարում կայանալիք հանդիպումների մասին, քանի որ դրանք մշակման փուլում են։ Չէի ուզենա մեկնաբանել նույնիսկ առանձին հանդիպումները։ Սակայն խոստանում եմ վերադառնալ այդ հարցին մոտ ժամանակներս”, – ասել է Զախարովան։
Նրա խոսքերով, հանդիպումների ժամանակացույցը կհրապարակվի պատրաստ լինելուն պես։