ՀԱՊԿ գլխավոր քարտուղար Ստանիսլավ Զասը, խոսելով այն մասին, թե ինչու ՀԱՊԿ-ը չի օգնում Հայաստանի տարածքների ապաօկուպացմանը, առաջարկել է մտածել հետևանքների մասին։
«Ես ինքս աշխատել եմ (դիտորդական) առաքելության կազմում, ղեկավարել եմ այն Հայաստանում, որոշ, նույնիսկ բարձրաստիճան պետական ծառայողներ նման գնահատականներ են տվել․ ինչո՞ւ զորքերը չեկան, չօգնեցին ապաօկուպացնել տարածքներ և այլն։ Պետք է հասկանալ նման քայլերի հետևանքները՝ ընդհուպ մի քանի պետության մասնակցությամբ տարածաշրջանային պատերազմի սանձազերծումը»,- մամուլի ասուլիսի ժամանակ ասել է ՀԱՊԿ գլխավոր քարտուղար Ստանիսլավ Զասը։
Նա նշել է, որ առաջարկվող լուծումները համարժեք ու հավասարակշռված են և համաձայն չէ այն կարծիքի հետ, որ ՀԱՊԿ-ը փորձում է երես թեքել Հայաստանից։
Նա նշել է, որ առաջարկվող լուծումները համարժեք ու հավասարակշռված են, և համաձայն չէ այն կարծիքին, որ ՀԱՊԿ-ը փորձում է երես թեքել Հայաստանից։
Հայաստանի մերժումը
ՀՀ վարչապետ Նիկոլ Փաշինյանը նոյեմբերի 23-ին ՀԱՊԿ գագաթնաժողովում հայտարարել էր, որ վերջին մեկուկես տարվա ընթացքում Հայաստանը երեք անգամ (2021 թ. մայիսի 11-ին և նոյեմբերի 14-ին և 2022 թ. սեպտեմբերի 13-ին) ենթարկվել է ադրբեջանական ագրեսիայի, օկուպացվել է Հայաստանի Հանրապետության 140 քառ. կմ տարածքը:
Փաշինյանը հրաժարվեց ստորագրել «ՀԱՊԿ Հավաքական անվտանգության խորհրդի հռչակագրերը և Հայաստանի Հանրապետությանն օգնություն ցուցաբերելու համատեղ միջոցառումների մասին» նախագիծը՝ ընդգծելով, որ փաստաթուղթը բավականաչափ մշակված չէ։
ՀՀ վարչապետը հայտարարեց, որ ՀԱՊԿ-ի կողմից իրավիճակի հստակ քաղաքական գնահատականի բացակայությունը կարող է նշանակել կազմակերպության հրաժարում դաշնակցային պարտավորություններից, իսկ Ադրբեջանն այն կմեկնաբանի որպես կանաչ լույս ՀԱՊԿ-ից՝ Հայաստանի դեմ հետագա ագրեսիայի համար: